רוי:רבי שמואל יעקב קאהן
| געבורט |
ט"ו אלול ה'תש"ג ירושלים | ||
|---|---|---|---|
| טעטיגקייט אָרט | מאה שערים, ירושלים | ||
| דינאסטיע | תולדות אברהם יצחק | ||
| |||
רבי שמואל יעקב קאהן (געבוירן ט"ו אלול ה'תש"ג) איז דער תולדות אברהם יצחק רבי. ער איז דער עלטסטער זון פון דעם פריערדיגן תולדות אהרן רבי.
ביאגראפיע
רבי שמואל יעקב קאהן איז געבוירן געווארן תש"ג אין ירושלים[1] צו זיין פאטער רבי אברהם יצחק קאהן, דער רבי פון תולדות אהרן, און זיין ווייב מרת יענטא.
ער האט געלערנט אין תלמוד תורה תורה ויראה און שפעטער אין תלמוד תורה עץ חיים[1]. אלס בחור האט ער געלערנט אין ישיבת תולדות אהרן. אין ישיבה גדולה האט אים זיין טאטע געשיקט לערנען קיין וויזשניץ, ער האט געלערנט אין וויזשניץ איין זמן, דארט האט ער מקבל געווען פון דעם אמרי חיים, אין וועמען ער איז געבליבן מקושר, ער איז אויך געווען א תלמיד מובהק פון רבי יהודה'לע דזשיקעווער, ער האט אנגענומען דעם וויזשניצער נוסח פון דאווענען און נאך וויזשינצער מנהגים, און צוליב דעם האבן רוב חסידים פון תולדות אהרן אים נישט געוואלט אויפנעמען, אבער א חלק חסידים זענען געבליבן ביי אים מיטן נאמען "תולדות אברהם יצחק".
שבת ברענט ער ווי א קאכעדיג קעסל, א געוואלדיגער עולם ווארמען זיך ביי די טישן אין תולדות אברהם יצחק יעדן שבת, בחורים פון ישיבות אין ירושלים, און מאסן יונגעלייט, האבען געמאכט דארט זייער קביעות, אסאך רופן אים דער "ירושלים רבי", אדער דער "שבת רבי", אין זיינע יונגערע (געזונטערע) יארן האט ער גיקענט פירן טיש 6-7 שעה.
אויך ווען ער פארט קיין חוץ לארץ, שטייען טויזנטער אידן ביי זיינע טישן שעות שעות.
אסאך גרויסע עשירים אין ניו יארק פון פארשידענע קרייזן, האבען זיך אנגעקלעבט אין תולדות אברהם יצחק רבי.
ער פלעגט לערנען אסאך קבלה מיט רבי דניאל פריש.
זיינע חסידים (צווישן זיי רבי מאיר בראנסדארפער, רבי דניאל פריש) האבן אים אבער יא געוואלט זייענדיג דער עלטסטער זון, קומט זיך אים לויט ווי עס איז אנגענומען אז דער בכור האט מער חשיבות.
משפחה
רבי שמואל יעקב האט געהייראט מרת שרה חנה פייגא, די טאכטער פון הרב ישעיה שנייבאלג דער רב פון שטעטל בני ראם. זיי האבן זעכצן קינדער:
- מרת מירל בריינא פערל, ווייב פון רבי אליעזר צבי טויב, זון פון רבי משה טויב פון קאלוב, דער קאלובער רב פון ארץ ישראל.
- מרת שיינדל לאה, ווייב פון הרב יעקב טייטלבוים, רב פון דער תולדות אברהם יצחק קהילה אין מאנסי.
- רבי אהרן, איידעם ביי הרב מנחם מענדל מאנדערער, ראש ישיבה פון תולדות אברהם יצחק.
- מרת הינדא, ווייב פון הרב נפתלי יחזקאל שרגא בראך, זון פון הרב אפרים פישל אב"ד מאדע.
- הענטשע סירקא, ווייב פון הרב משה הורוויץ, זון פון רבי אביש פון מעליץ וויליאמסבורג.
- דבורה סערל, ווייב פון רבי משה יעקב הורוויץ. ספינקא רבי פון עירמאנט.
- מרת פרומעט גליקל, אלמנה פון הרב לייבוש טייטלבוים (זון פון נחום אפרים פון וואלאווע), אומגעקומען תשס"ט אין דער מומביי טעראר אטאקע.[2] [3]. זי האט געהייראט בזיווג שני רב יהודה קלמן פרענקל, זון פונעם רב פון וויעליפאלי-פלעטבוש.
- הרב חיים מאיר, האט געהייראט מרת גיטל, טאכטער פון רבי מאיר בראנדסדארפער. ער איז רב פון דער קהילה אין ביתר עילית.
- הרב דוד צבי, איידעם ביי רבי זיידא אליעזר זאב ראזנבוים, פון קרעטשניף סיגוט. ער דינט אלס רב פון דער קהילה אין בית שמש.
- הרב ישראל, איידעם ביי הרב דוד שווימער, איז א מו"ץ אין דער עדה החרדית ער דינט אלס רב פון דער קהילה אין בארא פארק.
- מרת רבקה, ווייב פון הרב אלטער ישראל אברהם קרויז, קרעסטיר רב אין מאנסי.
- מרת חוה, ווייב פון הרב אפרים אהרן לעמבערגער, זון רבי אברהם יחיאל פון מאקאווא בני ברק.
- הרב יואל, איידעם ביי הרב שמואל, זון פון הרב מאיר בראנסדארפער.
- מרת מלכה, ווייב פון הרב חנוך העניך טייטלבוים, זון פון יוסף דוד פון סאסאוו.
- ישכר בעריש, איידעם ביי רבי מנחם אליעזר זאב פון קרעטשניף.
- מרת סימא, ווייב פון הרב יחיאל יהושע רבינאוויטש, זון פון רבי יעקב מנחם פון ביאלע בני ברק.
דרויסנדיגע לינקס
- קליפ וויאזוי דער רבי שפאצירט ארום ביים דאווענען ווי אין וויזשניץ אין מירון
- קליפ ווי דער רבי זאגט דברי תורה.
- קליפ פון דער חתונה פונעם רבינס אייניקל מיט דער טאכטער פונעם ניקאלשבורגער רבין.
מקורות
- ↑ 1.0 1.1 שלמה ניימאן, "אשרי ילדותינו: די קינדער יארן פון אונזערע רבי'ס", קינדער שריפט 235, סוכות תשפ"ד, עמ' 60
- ↑ אידישע טריבונע, אויסגאבע 1952 (ז' כסלו תשס"ט)
- ↑ מוטי ארגמן, הקדוש רבי אריה ליבוש טיטלבוים הי"ד, חדשות בחדרי חרדים, 29 בנובמבר 2008.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!