רוי:רבי בעריש הורוויץ
| געבורט | ו' שבט תש"ח, 1948 |
|---|---|
| טויט | י"ט בתשרי תשס"ח |
רבי ישכר דוב בעריש הורוויץ (ו' שבט ה'תש"ח - י"ט תשרי תשס"ח), באקאנט אלס רבי בעריש הורוויץ, איז געווען דער ספינקער רבי אין וויליאמסבורג, ברוקלין. ער איז געווען דער עלצטער זון פון ר' הערשעלע ספינקער און געווען אן איידעם ביים איהעלער רב.
ער האט געגרינדעט און אנגעפירט די ספינקא מוסדות ווען זיין טאטע האט נאך געלעבט, פון דארט האט ער זיך ערווארבן דעם נאמען ווי א ספעציאליסט אין חינוך, און ער האט צוגעשטעלט צענדליגער מחנכים וואס זענען היינט צו טאג צעשפרייט אין היימישע מוסדות התורה.
נאך דעם וואס זיין פאטער איז אוועק האט ער געעפנט זיין בית המדרש אויף דעם נאמען פון זיין טאטן.
ער האט ארויס געגעבן א סעריע ספרים פון זיין טאטן, תפארת צבי על התורה - איטליכע בענדער, מועדים, זמירות לשבת, הגדה של פסח.
אין דער נאכט פון כ"ט תמוז ערב ראש חודש אב ה'תשס"ו איז זיין רביצין בלומא שרה ז"ל פלוצלינג אוועק פון אן עקסידענט אין די קעטסקילס.
מאנטאג פארטאגס, י"ט תשרי ה'תשס"ח, דעם דריטן טאג חול המועד סוכות, איז ער אוועק פון דער וועלט. דע לויה איז פארגעקומען יענעם טאג און איז געקומען לקבורה אין אוהל פון זיין טאטע'ן אין נוי דזשערסי.
משפחה
די קינדער פון רבי בעריש ספינקער און זיין רביצין בלומא שרה זענען:
- חיה רוזא, ווייב פון רבי יעקב דוד זעגעלבוים, ווינער רבי פון פלעטבוש
- רבי יוסף מאיר, ספינקער רבי "בית שמואל צבי" אין וויליאמסבורג
- רבי משה יעקב, ספינקער רבי "אהלי צבי" אין ערמאנט, אן איידעם ביי רבי שמואל יעקב קאהן. ער פלעגט אנפירן די בארשע בית המדרש אין וויליאמסבורג, און איז היינט א ברסלבער משפיע.
- רבקה, ווייב פון רבי צבי הלוי פרידמאן, סעלישער רב פון וויליאמסבורג.
- רבי יקותיאל יהודה, איידעם ביי רבי יצחק אייזיק מנחם אייכנשטיין פון גאלאנטא.
- פערל, ווייב פון רבי נפתלי הירצקא בערגער זון פון מישקאלצער רב.
- רבי אהרן דוד, זאבאלאטאווער רבי, איידעם ביי רבי יעקב שמשון טירנויער פון חוסט.
- טויבא, ווייב פון רבי אשר זעליג אשרי, רידזשער רב.
- רבי יואל, איידעם ביי רבי שמואל חיים יחזקאל פאנעט פון דעעש.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!