רוי:שמואל בוטח

טעקע:Shmuli botiach.jpg

שמולי בוטח (געב' דעם 19טן נאָוועמבער 1966) איז א גלענצענדיקער רעדנער און שרייבער. ער איז געוואָרן אלס יונגער בחור נתקרב צו אידישקייט דורך א חב"ד שליח, און זינט דעמאָלט איז ער טעטיק אליין אין קירוב, אָבער זיין קירוב רחוקים האָט זיך פארשפּרייט מער ארויס פון די גרעניצן פון אידישקייט, ער האָט גענומען זיין טאלאנט צו רעדן אוניווערסאל צו מענטשן פון אלע פעלקער צו ברענגען זיי נענטער צו גאָט.

ביאגראפיע

שמולי בוטח איז געבוירן געוואָרן אין לאָס אנדזשעלעס אין נאָוועמבער 1966.

אָנגעהויבן זיין קאריערע האָט ער אין סידני, וואו ער האָט געלערנט סמיכה אין דער דאָרטיקער ליובאוויטשער ישיבה און געווען טעטיק צו לייגן תפילין און מקרב זיין די דאָרטיקע אידן.

זיין הויפּט הצלחה האָט ער געהאט, ווען ער איז געווען דער שליח אין דעם אָקספארדער אוניווערסיטעט. הונדערטער ייִדישע סטודענטן האָבן זיך געקלעפּט צו זיין כאריזמאטישער פירערשאפט, און האָבן אָנטיילגענומען אין זיין "לחיים סאסייעטי" חב"ד הויז און איר טעטיקייט.

פון דאָרטן האָט ער גענומען זיין טאלאנט צו דער וועלט; נעמלעך דער אפענער צוגאנג פון תורה צו די אינטימסטע טיילן פון א מענטשס לעבן, זיין בוך דערוועגן איז געוואָרן א בעסטסעלער. היינט-צו-טאָג שרייבט ער ביכער יעדע פאר חדשים א נייע, און האָט א טעלעוויזיע און ראדיאָ שוי, הויפּטקווארטירט פון ניו דזשערסי, מיט צוהערער דורכאויס אלע שטעט אין אמעריקע.

עס איז מערקווירדיק, אז טראָץ די טענות, וואָס די פרומע האָבן קעגן אים, אז ער האָט גענומען אזא באהאלטענע נושא און מיט דעם איז געוואָרן באקאנט, גייט ער נישט אין ערגעץ נישט אָן דער באגלייטונג פון זיין ווייב, ער האָט ניין קינדער און זי איז אוודאי פארנומען ביזן קאפּ מיט הויזארבעט, דאָך פאָרט ער ניט אין ערגעץ ניט צו אין פּובליק אויפטריטן צו פריוואטע סטודיא אָדער בוך אונטערשרייבן אָן זיין רעביצין.

אין 2012 איז ער געלאָפן פאר א קאָנגערס זיץ אין ניו דזשערזי אויף דער רעפּובליקאנער פּארטיי.