רוי:רבי שמואל שמעלקא עזריאל תאומים-פרענקל

רבי שמואל שמעלקא עזריאל תאומים-פרענקל זצ"ל (ה'תרכ"ז - כ"ב חשוון ה'תרצ"ד), רב אין קלאסנא-וויעליטשקא.

אפשטאם

רבי שמואל שמעלקא עזריאל איז געבוירן אין יאר ה'תרכ"ז , צו זיין פאטער הרב פנחס תאומים-פרענקל רב אין ציעשינאוו, א זון פון הרב רבי דוב בעריש תאומים-פרענקל, רב קניעניטש און ציעשינאוו, א זון פון הרב רבי יהושע העשיל תאומים-פרענקל פון קאמארנא, א זון הרב רבי ברוך תאומים-פרענקל דער ברוך טעם. און צו זיין מוטער מרת דרעזיל א טאכטער פון הרב רבי יחזקאל שרגא האלבערשטאם דער שינאווער רב, א זון פון הרב רבי חיים האלבערשטאם דער צאנזער רב.

רבנות

נאך זיין שווער'ס פטירה אין יאר ה'תרמ"ה איז רבי שמואל שמעלקא עזריאל געווארען רב אין קלאסנא-וויעליטשקא אויף זיין שווער'ס ארט. זיין זיידע דער שינאווער רב איז געפארן מיט אים צו זיין באקרוינונג, ער האט געזאגט 'רבי שמואל שמעלקא עזריאל איז שוין דער אכט-און-צוואנציגסטער דור פון רבנים פון זיין פאמיליע.

הסתלקות

רבי שמואל שמעלקא עזריאל איז נפטר געווארן כ"ב חשוון ה'תרצ"ד.

פאמיליע

רבי שמואל שמעלקא עזריאל האט געהייראט בזיווג ראשון מרת שרה ( - י"א אדר א' ה'תרע"ג), א טאכטער פון הרב יחזקאל שרגא פייביש תאומים-פרענקל רב אין קלאסנא-וויעליטשקא. זייערע קינדער:

• הרב פנחס אריה לייביש תאומים-פרענקל ( - ), ממלא מקום פון פאטער, רב אין קלאסנא.

• הרב יחזקאל שרגא תאומים–פרענקל הי"ד ( - ל"ב בעומר ה'תש"ד), דיין אין וויעליטשקא. ער האט געהייראט מרת רבקה א טאכטער פון הרב מאיר הורוויץ, רב אין לינסק.

• מרת טויבא רחל, די ווייב פון הרב אהרן האלבערשטאם (ה'תרנ"ה (אומגעפער) - ) פון ניו יארק, א זון פון הרב רבי אלישע האלבערשטאם רב אין גארליץ.

• מרת יוכבד רייצא, די ווייב פון הרב נפתלי צבי שמואל ראזענפעלד הי"ד, א זון פון הרב רבי אלעזר ראזענפעלד פון אשפעצין.

בזיווג שני האט רבי שמואל שמעלקא עזריאל געהייראט בזיווג שני מרת איטא א טאכטער פון הרב נפתלי האלבערשטאם רב אין קשאנאוו

• הרב דוד הי"ד.

• הרב חיים ברוך הי"ד.

• מרת פרומעט ביילא, די ווייב פון הרב מנחם מענדל הורוויץ הי"ד (ה'תרמ"ג (אומגעפער) - ה'תש"ג), רב אין מעליץ

רעפערענצן

• י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!