רוי:רבי דוד אהרן טווערסקי
רבי דוד אהרן טווערסקי הי"ד (ה'תרל"ב - ה'תש"א) פון זשאריק.
אפשטאם
רבי דוד אהרן איז געבוירן אין יאר ה'תרל"ב (אומגעפער), צו זיין פאטער הרב יעקב אריה לייב טווערסקי פון קאוולע, א זון פון הרב אברהם טווערסקי "דער טריסקער מגיד", א זון פון רבי מרדכי טווערסקי, פון טשערנאביל, א זון פון הרב רבי מנחם נחום טווערסקי, "דער מאור עינים". און צו זיין מוטער א טאכטער פון הרב רבי יוחנן טווערסקי, פון רחמיסטריווקא.
רבנות
רבי דוד אהרן האט זיך אוועקגעצויגן פון וואהלין און זיך באזעצט אין זאוויריטשא, פוילן, אבער ווען ס'האט זיך געשאפן א שפאנונג צווישן זיינע חסידים און די ראדאמסקער חסידים איז ער אריבער קיין זשאריק, און אין יאר ה'תרס"ו האט מען אים דארט אויפגענומען אלס רב.
הסתלקות
ביי די צווייטע וועלט קריג איז רבי דוד אהרן אריבער קיין אוסטראה צו זיין זון רבי אברהם, און איז דארט אומגעקומען אויף קידוש השם הי"ד.
פאמיליע
רבי דוד אהרן האט געהייראט מרת חיה שפרה א טאכטער פון הרב יצחק פרידמאן פון באהוש. זייערע קינדער:
- הרב אברהם טווערסקי הי"ד, רב אין אוסטראה. ער איז אומגעקומען אויף קידוש השם.
- מרת רייזיל הי"ד, די ווייב פון הרב אברהם מרדכי שפירא הי"ד, פון זשאריק, אן אור-אייניקל פון הרב מרדכי פון נעשחיז.
- מרת חוה בת ציון, די ווייב פון הרב אברהם יהושע העשיל טווערסקי (כ"ד אדר ה'תרנ"ה - יום כפור ה'תשמ"ח) פון מאכניווקא-בני ברק.
זעט אויך
רעפערענצן
- אנציקלופדיה לחכמי גליציה, מאיר וונדר
- נר ישראל ח"ו בערכו (17)
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!