רוי:פסקי תוספות
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "פסקי תוספות".
פסקי תוספות איז א פריערדיג אנגענומען ספר וועלכע נעמט ארויס די פסקי הלכה פון תוספות אויף תלמוד בבלי.
וויבאלד תוספות איז געשריבן אויף א סדר פון קשיות און תירוצים, איז שווער ארויסנעמען פון דארט פסקים הלכה למעשה. און דאס טוט דאס ספר.
דרוקסאגראפיע
עס איז צוערשט געדרוקט געווארן מיט דער ערשטער אויסגאבע פונעם געדרוקטן ש"ס אויף טייל מסכתות און ערגענצט געווארן אין דער ווענעציע מהדורה. אין די ווילנער דרוקן איז עס געדרוקט תיכף נאך דער גמרא בעפארן רא"ש. אויף מסכת מעילה, תמיד, מדות און קינים איז דאס דארט צוערשט געדרוקט געווארן אין יאהר תרמ"ה פון א כתב־יד.
דער פארפאסער פונעם ספר
מען ווייסט נישט פאר זיכער ווער עס האט עס מחבר געווען.
דער חיד"א אין שם הגדולים ברענגט א דעה אז דער רא"ש אדער זיין זון דער בעל הטורים האט עס געשריבן, אבער ער ווענדט עס אפ.
דער יעב"ץ אין זיין ספר משנה לחם נעמט אבער יא אהן אז דער טור האט עס מחבר געווען.
אנדערע ווערסיעס
עס איז פארהאן אנדערע ענליכע פסקי תוספות פון רבי יחזקאל א פעטער פאר רבי אליעזר פון טוך (ווערט אויך גערופן דער מהרי"ח) און פון רבי יעקב ב"ר מאיר כ"ץ פון נורטהויזן וואס איז נישט דא צו באקומען.
סתירות צו תוספות
דער חיד"א און דער חתם סופר מערקן אהן אז אין טייל פלעהצער שטייט דארט זאכן וואס שטימט נישט מיט וואס ס'שטייט ביי אונז אין תוספות זעלבסט. ווי למשל אין מסכת סוטה און ביצה. ס'איז מסתבר אז דער מחבר האט געהאט אן אנדער גירסא.
וועב לינקען
- http://www.hebrewbooks.org/pagefeed/hebrewbooks_org_13069_155.pdf
- http://daf-yomi.com/forums/message.aspx?id=6860
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!