רוי:בולגאריש

בולגאֵריש (български език, באַלגאַרסקי עזיק) איז אַן אינדא-אייראפעאישע שפּראַך וואָס געהערט צו דער גרופּע פון די דרום סלאַווישע שפּראַכן, צוזאַמען מיט מאקעדאניש, סלאוועניש, סערביש און קראאטיש. די בולגאֵרישע שפּראַך שרייבט מען מיט קירילישע אותיות.

בולגאֵריש איז די הויפּט שפּראַך פון בולגאריע. בולגאריש איז גאנץ ענליך צו מאקעדאניש, און די רעדערס פון די צוויי שפראכן קענען איינער אנאנד פארשטיין.

ניין מיליאן מענטשן רעדן בולגאריש.

בולגאריש, מיט אלע דרום-מזרח סלאווישע שפראכן, איז אנדעריש פון די אנדערע סלאווישע שפראכן אין א פאר אופנים: די שפראך האט נישט קיין סובסטאנטיוו בייגונג אויך נישט קיין אינפיניטיוו, אבער זי האט א געוויסיקע ארטיקל סופיקס, ווי אין אראמיש. פונדעסוועגן, די ווערב סיסטעם איז ווייטער געוואקסן צו כולל זיין ווערבפארמעס וואס זאגן ארויס צי די אקציע האט נישט קיין עד, טאמער דער רעדער האט עס געהערט פון א צווייטן, און טאמער עס איז דא א ספק וועגן וואס מען רעדט.

עס איז דא דריי גראמאטישע מינים אין בולגאריש: זכר, נקבה און נייטראל (ווי אין אידיש). עס איז לייך צו וויסן דער מין פון א ווארט ביים סוף. סובסטאנטיוון וואס ענדיקן זיך מיט א קאנסאנאנט זענען בדרך-כלל פון מין זכר (לדוגמא град גראט שטאט, син סין זון, мъж מוזש מענטש). ווערטער וואס ענדיקן זיך מיט -я-\а (-א,-יא) (ווי жена זשענא פרוי, дъщеря דאשטעריא טאכטער, улица אוליצא גאס) זענען בכלל פון מין נקבה. סובסטאנטיוון וואס ענדיקן זיך מיט -е-\о זענען כמעת אייביג פון מין נייטראל (дете דעטע קינד, езеро עזערא אזערע), גלייך מיט ווערטער וואס ענדיקן זיך מיט -и-, у און -ю ווי (цунами צונאמי, меню מעניו).

וויקיפּעדיע אויף בולגאריש

זען • שמועס • ענדערן סלאווישע שפראכן
אסט-סלאוויש:	אוקראיניש \| בעלארוסיש \| רוסיניש \| רוסיש
וועסט-סלאוויש:	טשעכיש \| כנעניש (יידיש-טשעכיש) \| סארביש: אויבער סארביש, אונטער סארביש \| סלאוואקיש \| פויליש \| קאשוביש \| שלעזיש
דרום-סלאוויש:	בולגאריש \| מאקעדאניש \| סלאוועניש \| סערבא-קראָאַטיש: באסניש, סערביש, קראָאַטיש, מאנטענעגריניש
אַנדערע:	אלט קירכע סלאוואניש \| אינטערסלאוויש