רוי:אבו אימראן תיפליסי

פון המכלול
קפיצה לניווט קפיצה לחיפוש

אבו אימראן תיפליסי געווען א גרינדער פון אַן אלטער אידישער רעליגיעזער סעקטע, וואס האט געשפּילט א געוויסע ראלע אין די מזרח־לענדער. זיין העבּרעאישער נאמען איז געווען משה און דערפון שטאמט זיין נאמען "אבו עימראן" ("דער פאטער פון עמרם"). ער האט געוואוינט צוערשט אין בּאגדאד, דערנאך אין טיפליס אין דער צווייטער העלפט פון 9־טן יארהונדערט. די הויפּט־יסודות פון זיין אמונה איז געווען, וואס ער האט געלייקנט אין "שכר ועונש" (אז גאט באשטראפט פאר שלעכטע מעשים און באלוינט פאר גוטע מעשים) אויף יענער וועלט און האט אויך געלייקנט אין תחיית המתים. ער האט נאר געגלויבט, אז גאט באצאלט דעם מענש אלץ אויף דער וועלט. א סך מנהגים און דינים האָט ער געהאט די זעלבע, וואס די קאראאימער. ער האט מתיר געמאכט צו עסן פלייש. ער זאל אויך האבן געשריבן באמערקונגען צו שווערע שטעלן אין חומש. זיין סעקטע האט נישט לאנג עקזיסטירט.

ביבליאגראפיע: גרעץ, בּאַכער אין "דזשואיש קווארטערלי רעוויו" בּאנד 7, יודישע ענציקלאפּעדיעס, ספּעציעל אין דער העברעאישער "אשכול"־ענציקלאפּעדיע.

Logo hamichlol yi.png
דער ארטיקל נעמט אריין טעקסט פון דער ייִדישער פאָלקס־ענציקלאָפּעדיע (פּיעטרושקא), וואָס איז היינט אינעם רשות־הרבים. רעכטן פאר טוישונגען בלייבן רעזערווירט.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!