רוי:בית ישראל ודמשק אליעזר ישיבה
בית ישראל ודמשק אליעזר איז די הויפט און גרעסטע וויזשניצער ישיבה אין בני ברק. די ישיבה שטייט אין הויפט פונעם היינטיגן ראש ישיבה, רבי מנחם ערנסטער, זון פון רבי משה און מרת שבע ברכה, און איידעם פון רבי משה יהושע האגער, דער פריערדיגער וויזשניצער רבי פון בני ברק.
אורשפרינגליכע געשיכטע
פאר דער צווייטער וועלט קריג, איז געווען א ישיבה אין וויזשניץ, וואס איז געלייטעט געווארן דורך דעם רבי'ן, ישראל האגער, וועלכער איז געווען באקאנט אלס דער "אהבת ישראל", און דורך זיין זון מנחם מענדיל האגער, וואס איז שפעטער געווארן ווישאווער רבי, בעל מחבר ספר "שארית מנחם". די ישיבה איז געווען גערעכנט אלס איינע פון די בעסטע ישיבות אין בוקאווינא. דער לימוד אין דער ישיבה פלעגט אריינרעכענען אין זיך ש"ס, און שלחן ערוך חושן משפט ווי די שטייגער פון אלע אנדערע ישיבות אין רומעניע און אונגארן, וואס האבן איינגעגלידערט אונטערריכטן פון הלכה מיט אונטערריכטן פון גמרא. דער אהבת ישראל פלעגט דורכפירן א פארהער אין דער ישיבה, יעדן ערב ראש חודש, און דער שארית מנחם וואס האט געדינט אלס ראש ישיבה, פלעגט פארהערן יעדער ערב שבת. ווען די ערשטע וועלט קריג איז אויסגעבראכן, האט דער אהבת ישראל פארלאזט וויזשניץ און אריבערגעצויגן קיין גרויסווארדיין, דארט וואו ער האט אנגעפירט זיין הויף ביז צו זיין פטירה אום ב' סיון ה'תרצ"ו, און צוליב דער מלחמה האט מען צוגעמאכט די ישיבה.
די אויפשטעלונג פון דער ישיבה אין אייראפע
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!