רוי:רבי ישראל אריה מרגליות
רבי ישראל אריה מרגליות (כ"ז תשרי תרנ"ב–כ"ד טבת תשט"ו) איז געווען דער פרעמישלאנער רבי אין לאנדאן.
אפשטאם
רבי ישראל אריה איז געבוירן כ"ז אדר ה'תרנ"ב, צו זיין פאטער הרב אפרים זלמן מרגליות רב אין לאנקא, און צו זיין מוטער איידל, א טאכטער פון הרב ישראל אריה פרענקל, אן אייניקל פון רבי מאיר׳ל פון פרעמישלאן און פונעם "דגל מחנה אפרים" פון סודילקאוו.
רבנות
ביי דער ערשטער וועלט-מלחמה איז ער אנטלאפן קיין בודאפעשט, וואו זיין זון מאיר איז געבוירן. כאטש איז ער געווען א בעלזער חסיד, האט ער דארט אנגעהויבן פירן א רעביסטעווע. נאך דער מלחמה איז ער צוריק קיין גאליציע און האט זיך באזעצט אין לעמבערג. אין יאר תרפ"ז האט ער זיך געצויגן קיין לאנדאן. ער האט געעפנט זיין בית מדרש אין דעם איסט ענד, און האט געפועל׳ט צו פארשטערקן יידישקייט און בויען מקוואות. נאך דער צווייטער וועלט-מלחמה האט ער אריבערגעפירט זיין בית מדרש קיין קריקלוואוד.
ער איז נפטר געווארן אין לאנדאן כ"ד טבת תשט"ו און באערדיגט אין ענפילד בית החיים פונעם התאחדות קהילות החרדים. זיינע תורות זענען געדרוקט אין דעם ספר "בך יברך ישראל".
צווישן זיינע אייניקלעך זענען הרב אלכסנדר אשר מרגליות (זון פון רבי מאיר), רב פון קהילת אהל משה אין ווין, און הרב שלמה בנציון הערבסט, רב פון קהל פרעמישלאן און פלאטבוש, ניו יארק.
פאמיליע
רבי ישראל אריה האט געהייראט פעשא, טאכטער פון הרב יצחק באב"ד, טארטיקאווער רב. זייערע קינדער:
- חיה, ווייב פון הרב אברהם משה באב"ד, רב פון סונדערלאנד
- אדל, ווייב פון גרשון ראבינאוויטש
- מאיר, איידעם ביי אשר שטערנבוך
- אפרים זלמן, איידעם ביי בצלאל שטערן
- גיטל, ווייב פון הרב שמעלקא פינטער
- ביילא ברכה, ווייב פון עוזיאל הערבסט
- שלאמצע, ווייב פון מרדכי זיידל לודמיר
- חנה לאה, ווייב פון נטע בעק
- צבי הירש
רעפערענצן
- תורת החסידות, יצחק אלפסי