רוי:רבי משה לייב ראבינאוויטש
רבי משה יהודה לייב ראבינאוויטש (געב' ערשטע חנוכה ליכטל כ"ה כסלו ה'תש"א, מונקאטש) איז דער מונקאטשער רבי.
לעבנסגעשיכטע
רבי משה לייב ראבינאוויטש איז געבוירן אין דער שטאט מונקאטש (היינט אוקראינע) דעם ערשטן טאג חנוכה תש"א צו זיין פאטער הרב ברוך יהושע ירחמיאל ראבינאוויטש, איידעם פון רבי חיים אלעזר שפירא זצ"ל, בעל מנחת אלעזר ממונקאטש. דער ברית איז פארגעקומען זאת חנוכה תש"א וואו רבי שלום אליעזר האלבערשטאם פון ראצפערט איז ספעציעל געקומען קיין מונקאטש צו דינען אלס סנדק ביים ברית. דער רבי הייסט "משה יהודא ליב" נאך דער רבי משה לייב סטריזובער זי"ע, א זיידע.
אלס קינד האט ער געלערנט אין תלמוד תורה פון עדת יראים, בראזיל[1]. שפעטער האט ער געלערנט אין דער טעלזער ישיבה אין קליוולאנד, אהייא, ווי אויך אין בית המדרש עליון אין מאנסי, ניו יארק.
ער איז געווארן אן איידעם ביי הגאון הצדיק רבי אהרן בערנשטיין זצ"ל ראש ישיבה פין ישיבת חיי עולם אין ירושלים ראב"ד אגודת ישראל און מחבר ספר פרי אהרן.
רבי משה ראבינאוויטש איז נאך פון זיינע יונגע יארן געשעצט געווארן דורך צדיקי הדור ובראשם הרה"ק רבי יואל טייטלבוים פון סאטמאר זצ"ל.
ער איז באקאנט אלס עלוי און גרויסער למדן, (זיינע תורה'ס זענען געדרוקט געווארן אין די קונטרסים עולת שבת). ווי אויך האט דער רב שליט"א אפגעשריבען פילע כתבי יד און חדושי תורה אויף ספר הרמב"ם, וואס דער רבי איז געפארען קיין ארץ ישראל באקומען הסכמות פון די גדולי הדור ווי רבי דוד יונגרייז זצ"ל וואס איז לעת עתה נאך נישט ארויס לאור עולם, ווי אויך פלעגט דער רב זאגן טיפזיעניגע שיעורים און לומדישע דרשות וואס פילע ת"ח זענען באגייסטערט געווארן פון די רב'ס כח התורה,
ווען עס איז געווען די פרשה פונעם עירוב אין בארא פארק האט דער רב געשריבן א ספעציעלע תשובה להלכה וואס האט אפגעווארפן די שיטת המחמירים.
דער רבי איז באקאנט פאר ארויסהעלפן אידן מיט אלע מיני פראבלעמען, ספעציעל אין לעגאלע פראבלעמן, און איז באקאנט אלס גרויסער בעל צדקה, כמנהג זקנו דער מנחת אלעזר זי"ע.
אויפן וועג פון זיין זיידן דער מנחת אלעזר איז אויך דער מונקאטשער רבי ממשיך אלץ מוהל ווי אלע מונקאטשער חסידים אדער סתם מעריצים זענען מכבד דעם רבין אלס מוהל. צו דער זייט פון זיין מוהלות פלעגט זיין דער באוואוסטער מוהל הרב יעקב מרדכי וויינבערגער זצ"ל וואס איז פון די גרעסטע מוהלים.
ער האט אויפגעשטעלט דעם צענטער פאר מונקאטשער חסידות אין בארא פארק, ברוקלין, אבער עס געפינען זיך מונקאטשער שטיבלעך און מוסדות אויך אין ווילאמסבורג, מאנסי, ירושלים ,בני ברק, לאנדאן, מאנטריאל.
וועבלינק
- מונקאטשער רבי ביי שמחת בית השואבה
http://www.tsofar.com//zofar/mashtap/show.asp?id=5283
רעפערענצן
- ↑ שלמה ניימאן, "אשרי ילדותינו: די קינדער יארן פון אונזערע רבי'ס", קינדער שריפט 235, סוכות תשפ"ד, עמ' 59
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!