רוי:רבי יצחק אייזיק אייכנשטיין
| געבורט | ה'תקס"ה | ||||
|---|---|---|---|---|---|
| פטירה |
ט' סיון ה'תרל"ג (אלט: 68 בערך) זידיטשוב | ||||
| ספרים | פירוש מהרי"א על מדרש רבה וילקוט שמעוני, ליקוטי תורה וש"ס על התורה | ||||
| ווייב | ליבא | ||||
| |||||
דער ארטיקל באהאנדלט דעם רבי אייזיקל זידיטשובער, דער מהרי"א פון זידיטשוב. אויב זוכט איר זיין זיידע, דער רב פון סאפרין, זעט רבי יצחק אייזיק אייכנשטיין זצ"ל (ה'תקס"ה - ט' סיון ה'תרל"ג), פון זידיטשוב, גאליציע. באקאנט אלס רבי אייזיקל זידיטשובער, דער מהרי"א.
אפשטאם
רבי אייזיק איז געבוירן אין יאר תקס"ה, אן איינציגער זון צו זיין פאטער, רבי ישכר בעריש אייכנשטיין פון זידיטשוב, דער פערטער זון פון רבי יצחק אייזיק אייכנשטיין פון סאפרין. און צו זיין מוטער מרת עטיא א טאכטער פון רבי אליהו לעווינגער פון רודניק, א תלמיד פון רבי משה לייב סאסובער. רבי אייזיק איז געבוירן געווארן פון א ברכה פון רבי מענדעלע פון רימנוב, וועלכער האט געזאגט אויף אים אז ער וועט באלייכטן די וועלט.
ער האט חתונה געהאט מיט מרת ליבא.
רבנות
פון קליינערהייט האט מען שוין געקענט זעהן אז רבי אייזיק וועט זיין א העכערער מענטש. ער האט געלערנט ביי זיינע פעטערס דער עטרת צבי און ביי רבי משה פון סאמבור, ער איז געווען קלאר אין ש"ס און מדרשים, זוהר און כתבי האר"י.
רבי אייזיק האט פארציילט אז ער האט געלערנט דעם ספר פרי עץ חיים הונדערט און איין מאל.
ער האט בשום-אופן נישט געוואלט פירן קיין עדה, אבער ווען ער איז געקומען צום ערשטן בעלזער רב בעטן א כתב-רבנות צו ווערן א רב האט דער ערשטער בעלזער רב אים ענטזאגט, זאגנדיג אז טויזנטע נשמות ווארטן אז ער זאל זיי מתקן זיין, און ער וויל זיך באהאלטן אין א פארשטופטן דערפל?!... דאן האט ער אנגעהויבן פירן זיין הנהגה ביז זיין הסתלקות[מקור פארלאנגט].
נאך די פטירה פון זיין שוועסטער-קינד רבי יהודה צבי הירש אייכנשטיין האבן די חסידים אויפגענומען רבי אייזיק אלס רבי פון זידיטשוב.
הסתלקות
רבי אייזיק איז נפטר געווארן אין ט' סיון ה'תרל"ג.
פאמיליע
זיינע קינדער:
- רבי אלכסנדר סענדער יו"ט ליפא, נאך בחיי אביו געווען רב אין זידיטשוב
- רבי שלמה יעקב, פון זידיטשוב-סטרי
- רבי ישכר בעריש (ה'תקצ"ה (אומגעפער) - כ"ט שבט ה'תרמ"ו), פון דאלינא
- רבי אליהו (ה'תקצ"ז - ה' סיון ה'תרל"ח), פון זידיטשוב
- רבי מנחם מענדל, פון זידיטשוב
- מרת סאשע רייזל (נפטר ל"ג בעומר), ווייב פון רבי ישראל יוסף לאבין (– ט"ו שבט ה'תרס"ב), פון זידיטשוב
זיינע ספרים
- פירוש מהרי"א - מדרש רבה
- לקוטי תורה
- לקוטי מהרי"א - ילקוט שמעוני
רעפערענצן
- מאיר וונדר, אנציקלופדיה לחכמי גליציה א, עמ' 155–161 (פארלאנגט אומזיסטע רעגיסטראַציע)
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!