רבי עקיבא ראבינאוויטש
 | |
| געבורט | י' בטבת תרצ"ט |
|---|---|
| וואוין אָרט | ירושלים |
| תחומי עיסוק | אדמו"ר |
| תפקידים נוספים | ראש ישיבה און ראש הכולל לימוד הקבלה |
| ספרים | דרכי צדק, האדרת והאמונה, היחוד והיראה ועוד |
| ווייב | אסתר |
| דינאסטיע | פאריסאוו (חסידות |
| טאטע | רבי בנימין ראבינאוויטש |
| מאמע | רוחמה ליבא |
רבי חנניה יוסף עקיבא ראבינאוויטש איז דער פאריסאווער רבי, א מקובל, וועלכער שטייט אין שפיץ פון ישיבת המקובלים "דרכי צדק" אין זיין בית מדרש אין ירושלים.
ביאגראפיע
ר' עקיבא איז געבוירן געווארן אין ירושלים אלץ דער צווייטער זוהן פון הגאון הקדוש רבי בנימין זי"ע, חבר בית דין צדק העדה החרדית אין מייסד פון קהל "משכנות הרועים", אין צו זיין מוטער רוחמה ליבא. ער איז גערופן געווארן "חנניה יוסף עקיבא" נאך זיינע ביידע זיידעס רבי עקיבא יוסף שלעזינגער אין רבי חנניה יוסף הלפרין.
ער האט חתונה געהאט מיט מרת אסתר, א טאכטער פון רבי שלמה צבי אטיק, א קארלינער חסיד, פאטער פון רבי מענדל אין רבי אברהם זצ"ל.
אין זיינע יונגע יאהרן האט ער זיך מסתופף געווען ביים ביאלער רבי'ן רבי יחיאל יהושע ראבינאוויטש וועלכער האט איהם זייער מחשיב געווען און אוועק געשטעלט צו שטיין בראשות די חבורות פון די יונגעלייט און אלץ מדריך חתנים אין די חסידות[1].
נאך זיין רבינ'ס פטירה איז ער געווען א תלמיד מובהק פון רבי אשר פריינד, אין ביי איהם האט ער קונה געווען השקפה אין דרכי החסידות.
נאך בחיי אביו האט ער אויף געשטעלט זיין בית מדרש "דרכי צדק" וואס האט אויך געדינט אלץ א ישיבה פאר לימוד תורת הנסתר, וואו דער רבי פלעגט אלץ איבערגעבן שיעורים אין תורת הקבלה. דארטן האט ער אויך מייסד געווען א הכנסת אורחים[2]. ער האט אויך א בית מדרש אין לאנדאן.
ער איז באקאנט מיט זיינע פיל ידיעות אין תורת הקבלה, אין אויך אין ספרי חסידות, עקסטער איז באוואוסט זיין בקיאות און דביקות אין ספר הקדוש פרי הארץ, וואס ער זעהט זיך צוגעבינדען צום מחבר רבי מנחם מענדל פון וויטעבסק.
ער איז א שארפער קנאי און לוחם קעגן די מדינה הציונית, א טייל זאגן אז ער שטיצט פרויען וואס גייען אונגעטהון א שאל[3].
זיינע תלמידים
- רבי דוד אייכנשטיין, בורשטינער רבי אין בארא פארק.
- הרב אברהם יחזקאל פריעדמאנן, מקובל און קאמאדער רב אין מאנסי.
זיין משפחה
- זיין זון הרב אברהם, איידעם פון רבי יוסף לייפער.
- זיין זון הרב הלל, ראש הכוללים פון פאריסאוו אין ניו יארק, איידעם פון הרב יהושע לייפער נשיא מכון עוז והדר.
- זיין זון רבי יהושע אשר (ז' ניסן ה'תש"ל - אייר ה'תשע"ד), נפטר געווארן פון יענע מחלה. אויף זיין נאמען איז נתייסד געווארן 'קרן ישועות יהושע אשר'.
- זיין איידעם הרב דוד משה ראזענבוים, קרעטשניפער רבי פון קרית גת.
- זיין איידעם הרב מנחם יהודה כהנא, ספינקער רבי אין בני ברק, זון פון רבי משה אליקים בריעה כהנא פון ספינקא.
- זיין איידעם הרב צבי אלימלך לייפער פון טעמעשוואר, זון פון רבי יחיאל לייפער פון טעמעשוואר ירושלים.
זיינע ספרים
- דרכי צדק - א ביאור אויף ספר שער הכוונות.
- פרי הארץ - שיעורים.
- דרכי אמונה.
- הרב חנניה יוסף עקיבא ראבינאוויטש, האדרת והאמונה, ירושלים, תשע"ח, עניני אמונה.
- הרב חנניה יוסף עקיבא ראבינאוויטש, הדעה והדיבור, ירושלים, תשע"ה, עניני תורה ותפילה.
- הרב חנניה יוסף עקיבא ראבינאוויטש, ההוד וההדר, ירושלים, תשע"ה, עניני ל"ג בעומר.
- הרב חנניה יוסף עקיבא ראבינאוויטש, החיל והחוסן, ירושלים, תשע"ה, עניני חנוכה ופורים.
- הרב חנניה יוסף עקיבא ראבינאוויטש, הלקח והליבוב, ירושלים, תשע"ו, עניני חג הסוכות.
- הרב חנניה יוסף עקיבא ראבינאוויטש, המלוכה והממשלה, ירושלים, תשע"ד, עניני חודש אלול ועשרת ימי תשובה.
- הרב חנניה יוסף עקיבא ראבינאוויטש, הנוי והנצח, ירושלים, תשע"ד, עניני תיקון המידות.
- הרב חנניה יוסף עקיבא ראבינאוויטש, הפדות והפאר, ירושלים, תשע"ו, עניני חג הפסח.
- הרב חנניה יוסף עקיבא ראבינאוויטש, השיר והשבח, ירושלים, תשע"ד, עניני שבת קודש.
- הרב חנניה יוסף עקיבא ראבינאוויטש, זמירות שבת, ירושלים, תשע"ד, נוסח פוריסוב וליקוט מדברי תורתו.
רעפערענצן
- ↑ הרב דוד ירחמיאל צבי ראבינאוויטש, עיוני הלכות, ח"ב, עמ' קב, בני ברק, תשע"ו
- ↑ א ביישרייבונג און העדה, עמ' ג
- ↑
פאראמעטער פעלערן אין מוסטער:יוטיוב
פאראמעטער [ אורך ] ערשיינען נישט אין מוסטער דעפיניציע
כ"ק אדמו"ר מפוריסוב בדברי חיזוק בערוץ SiataDishmaya אויף יוטיוב