רוי:מונקאטש (חסידות)

הויפטקווארטיק פון מונקאטשער חסידות אויפן 14טן עוועניו, בארא פארק

מונקאטש איז א חסידישער הויף געגרינדעט אין דער שטאט מונקאטש (פריער אין אונגארן און היינט אין אוקראינע) אין די אנהייב ת"ר יארן דורך הרב שלמה שפירא, אן אייניקל פון הרב צבי אלימלך שפירא פון דינאוו (דער "בני יששכר"). היינט איז דאס חסידות הויפטקווארטירט אין בארא פארק, ברוקלין, געפירט דורכן אדמו"ר משה יהודה לייב ראבינאוויטש.

מונקאטשער רביס

• רבי שלמה שפירא - באשטימט מונקאטשער רב אין תרמ"ב, ער איז געווען אן זון פון רבי אלעזר שפירא, און א אייניקל פון רבי צבי אלימלך שפירא וואס האט געדינט פופציק יאר פריער ווי שטאטס רב. רבי שלמה שפירא איז געווען רב און אדמו"ר אין מונקאטש ביז זיין פטירה אין תרנ"ג.
  • רבי צבי הירש שפירא - זון פון רבי שלמה שפירא, איז געווארן אב"ד ווען זיין פאטער האט נאך געלעבט, און איז געווען זיין ממלא מקום אלס רבי נאך זיין פטירה. ער האט געגרינדעם דעם מונקאטשער כולל אין ירושלים. ער איז געווען א שארפער קעגנער צו ציוניזם און השכלה. רבי צבי הירש איז נפטר געווארן דעם צווייטן טאג חול המועד סוכות תרע"ד.
    • רבי חיים אלעזר שפירא - זון פון רבי צבי הירש שפירא, איז געווען זיין פאטערס ממלא מקום אין די רבנות און רביסטעווע. ער האט אויפגעשטעלט דעם כולל תפארת צבי אויף זיין פאטערס נאמען, און האט געגרינדעט די מונקאטשער הייזער אין ירושלים. נאך דער ערשטער וועלט מלחמה האט ער געגרינדעט די "דרכי תשובה" ישיבה אויפן נאמען פון זיין פאטערס ספר אויף שלחן ערוך. ער איז געווען א קעגנער פון אלע שטראמען פון ציוניזם.
      • רבי ברוך יהושע ירחמיאל רבינאוויטש - זון פון רבי נתן דוד ראבינאוויטש און איידעם פון רבי חיים אלעזר שפירא. אין תרצ"ז, ווען ער איז געווען אלט 22, איז זיין שווער נפטר געווארן און מ'האט אים אויפגענומען רבי. ער האט אפגעזאגט די רביסטעווע אין תש"ה. נאכהער האט ער געדינט ווי רב פון סאו פאולא אין בראזיל, און פון תשכ"ג הויפט רב פון חולון.
        • רבי משה יהודה לייב רבינאוויטש - זון פון רבי ברוך יהושע ירחמיאל רבינאוויטש, געבוירן אין מונקאטש. געהאדעוועט אין די פאראייניגטע שטאטן. די שארית הפליטה פון די מונקאטשער חסידים האבן אים באקרוינט רבי. ער האט פועלט ווידעראויפצובויען דאס חסידות, און היינט איז די הויפטקווארטיר אין בארא פארק אין ברוקלין. ער האט געגרינדעט פונדאסניי בתי מדרשים, ישיבות, מוסדות פון חינוך און חסד אין די פאראייניגטע שטאטן, קאנאדע, אייראפע, אויסטראליע און ארץ ישראל.
        • רבי יצחק יעקב ראבינאוויטש - זון פון רבי ברוך יהושע ירחמיאל רבינאוויטש, דינאווער רבי.

• 

  רבי הירש שפירא

• Minchaseluzer.jpg

  דער בעל מנחת אלעזר

• 

  רבי ברוך יהושע ירחמיאל רבינאוויטש

• Shul.jpg

  די אלטע שול אין שטאט מונקאטש

• Rebbe.jpg

  היינטיגער רבי

ווידעראויפבלו פון מונקאטשער הויף

נאך די גרויזאמע מלחמה, איז מונקאטשער חסידות איבערגעפלאנצט געווארן אויף די אמעריקאנער באדן דורכ'ן אייניקל פונ'ם מנחת אלעזר, רבי משה לייב ראבינאוויטש שליט"א וואס האט אויפגעשטעלט מוסדות התורה לשם ולתפארת איבער די גארער וועלט. די צענטער פון מונקאַטש'ער חסידות געפינט זיך היינט צוטאגס אין בארא פארק, ברוקלין, אבער עס געפינען זיך צענטערן פון מונקאטשער חסידים אין וויליאמסבורג, מאנסי, לאס אנדזשעלעס, שיקאגא, מאנטריאל, לאנדאן, מעלבארן, ירושלים און בני ברק.

זיין ברודער רבי יצחק יעקב ראבינאוויטש, דער דינאווער רבי, האט אויפגעשטעלט א בית המדרש אין דעם וויליאמסבורג געגנט אין ברוקלין.

זעט אויך

• וועבסייט פון אלע מונקאטשער ספרים

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!