רוי:רבי יעקב יוסף יאזעף
הרב יעקב יוסף יאזעף (ה'תר"א - כ"ד תמוז ה'תרס"ב) איז געווען דער ערשטער און איינציגסטער הויפט רב פון ניו יארק סיטי.
יעקב יוסף איז געבוירן געווארן אין שטעטל קראז לעבן קאוונע אין ליטע אין יאר תר"א. ער איז געווען א תלמיד פונעם נצי"ב אין וואלאזשין, און פון רבי ישראל סאלאנטער אין קאוונע. ער איז געווען רב אין ווילאן (תרכ"ח), יורבורג (תר"ל) און זשאגאר. דערנאך איז ער געווארן מגיד אין ווילנע.
אין יאר תרמ"ח איז ער געקומען קיין אמעריקא אויפן פארלאנג פון 18 קהילות אין ניו יארק צו דינען אלס הויפט רב. דא איז ער געווען רב 14 יאר ביז ער איז נפטר געווארן אום כ"ד תמוז תרס"ב פון הארץ עסעניש נאכן נישט מצליח זיין צו מתקן זיין יודישקייט אין אמעריקע וויאזוי ער האט געוואלט. ער האט אבער מצליח געווען צו באשטימען שוחטים יראי שמים, זיגלען עופות, און איינשטעלן משגיחים איבער די שעכטהייזער.
צומארגנס אום כ"ה תמוז איז פארגעקומען די לוי' פונעם רב הכולל, און ראיאטן האבן אויסגעבראכן ווען אנטיסעמיטן האבן אטאקירט די מלוים, 300 אידן האבן געדארפט אפגעפירט ווערן אין שפּיטאל.
ספרים
- "לבית יעקב"
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!