רוי:רבי אפרים הורוויץ (ראזוואדאוו)
רבי אפרים הורוויץ זצ"ל (ה'תר"ל - ה'תרצ"ב), דער ראזוואדאווער רב.
אפשטאם
רבי אפרים'ל איז געבוירן אין יאר ה'תר"ל (אומגעפער), צו זיין פאטער הרב צבי הירש הורוויץ, רב אין ראזוואדאוו, א זון פון הרב רבי משה הורוויץ רב אין ראזוואדאוו, א זון פון הרב רבי אליעזר הורוויץ רב אין דזשיקאוו, באקאנט אלס רבי אליעזר'ל דזשיקאווער, א זון פון הרב רבי נפתלי צבי הורוויץ, דער ראפשיצער רב. און צו זיין מוטער א טאכטער פון הרב יחיאל וויגשאהל רב אין פריסטיק.
רבנות
רבי אפרים'ל איז געווען אלס ממלא מקום פון פאטער, רב אין ראזוואדאוו, אבער זיין פעטער רבי מנשה'לע האט געפירט מיט אים א שווערע קריג איבער דאס רבנות. רבי אפרים'ל האט עס געהאט זייער שווער פינאנציעל ער איז דערפאר ארום געפארן זיך צוזאמען שטלען געלט אין וועסט אירופא. אין יאר ה'תר"צ איז ער צוריק געקומען קיין ראזוואדאוו.
הסתלקות
רבי אפרים'ל איז פלוצלינג נפטר געווארן אין יאר ה'תרצ"ב, אין ראזוואדאוו.
פאמיליע
רבי אפרים'ל האט געהייראט א טאכטער פון זיין פעטער הרב אברהם חיים הורוויץ דער פלאנטשער רב. זיינע קינדער:
- הרב נפתלי הורוויץ (ה'תר"ן (אומגעפער) - ה'תש"ב) הי"ד, ממלא מקום פון פאטער, רב אין ראזוואדאוו.
- הרב משה הורוויץ (ה'תר"ס (אומגעפער) - ה'תש"ב (אומגעפער) ), ראזוואדאווער רבי אין ריישא, הי"ד.
- די ווייב פון הרב אליעזר שפירא א זון פון הרב יהושע שפירא דער ריבוטיטשער רב, הי"ד.
- די ווייב פון הרב מנחם מענדל אייכנשטיין א זון פון הרב אברהם חיים אייכנשטיין, הי"ד.
רעפערענצן
- אנציקלופדיה לחכמי גליציה, מאיר וונדר
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!