רוי:קרית יטב לב
קרית יטב לב איז א געגנט אין בלומינגבורג, ניו יארק, וואס איז באפעלקערט דורך אידן סאטמארער חסידים.
היסטאריע
ביז יאר 2006 למספרם (ה'תשס"ו) איז די ווילידש אוו בלומינגבערג געווען פון די קלענערע ווילידשעס אין ניו יארק סטעיט, גרויס בלויז 192 אקער לאנד. אין יענעם יאר האבן א גרופע חסיד'ישע דעוועלאפערס אנעקסירט 241 עקער פון די טאון אוו מאמעקעטינג צום ווילידש. די אנעקסירונג איז אריבער זייער גרינג אן קיין שטערונגען אדער פארשלעפונגען. (יארן שפעטער, ווען די שכנים זענען געוואויר געווארן אז חסידים האבן עס געטון, האבן זיי דאן פרובירט עס צוריקצודרייען אין געריכט, דער אפעלעט אפטיילונג האט אבער ארויסגעשליידערט דעם קלאגע און באשטעטיגט די אנעקסירונג).
אין ה'תש"ע-ה'תשע"א זענען געפלאנצט געווארן די ערשטע שריט פאר די חסיד'ישע קריה. די ערשטע משפחות זענען אנגעקומען חנוכה ה'תשע"ד.
אין ה'תשע"ב איז בלומינגבורג אויפגעשטאנען לתחיה צו ווערן די נייע שטאט קרית יטב לב.
אדר ה'תשע"ו איז געווען דער "מעמד היסוד" פון קרית יטב לב. דער תלמוד תורה האט זיך געעפנט גלייך נאך פסח. די עפענונג פון בית רחל לבנות איז געווען פאר ראש השנה ה'תשע"ז. דער חנוכת הבית צום בנין המוסדות איז געווען ווינטער ה'תשע"ז.
א 5-מיליאן דאלארדיגע סוער פלענט אין בלומינגבורג איז באנייט געווארן סוף זומער ה'תשע"ז.
די ערשטע "פאראלעל כיתה" אינעם תלמוד תורה האט זיך אנגעהויבן זמן החורף ה'תשע"ח.
בלומינגבורג איז אומאפיציעל געקרוינט געווארן אלס "אפשטעל סטאנציע" פאר מנחה-מעריב במשך דעם זומער.
ביז דערווייל[אויסקלארונג פארלאנגט] זענען איבערגאנגען קיין בלומענבורג אריבער הונדערט און צוואנציג משפחות.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!