רוי:באבא סאלי
רבי ישראל אבוחצירא, גערופן באבא סאלי (א' תשרי תר"ן, 26סטן סעפטעמבער 1889 - ד' שבט תשמ"ה, 8טן יאנואר 1984) איז געווען א מאראקאניש-ישראלישער רב און באוואוסט מיטן נאמען באבא סאלי ("פאטער ישראל" אדער "פאטער וואס דאווענט"). ער ליגט אין נתיבות.
תולדות חייו
ריסאני
ער איז געבוירן געווארן אין דער שטאָט ריסאני, טאפילאלט דיסטריקט, מאראקא. די אבוחצירא משפחה איז געווען א באוואוסטע דינאסטיע פון רבנים, מקובלים און בעלי מופתים. זיין פאטער איז געווען הרב מסעוד אבוחצירא, דער בכור פון הרב יעקב אבוחצירא דער 'אביר יעקב'. זיינע ברידער זענען געווען הרב דוד אבוחצירא און הרב יצחק אביחצירא, דער "באבא חאקי".
ווען ער איז געווארן בר מצוה האט ער חתונה געהאט מיט זיין שוועסטער-קינד רחמה (טאכטער פון זיין פאטער'ס שוועסטער); זי איז אבער נפטר געווארן צוויי יאר שפעטער ווען זי האט געבוירן א טאכטער, וואס אויך זי איז נישט געבליבן לעבן. ווען ער איז געווען אלט 16 יאר האט ער געהייראט פריחה אַמסאַלעם.
שוין פון א יונגן עלטער האט ער זיך געפירט מיט סיגופים: ער האט געמאכט א נדר נישט צו עסן פלייש, און וואכנטעגס פלעג ער פאסטן. ער האט זיך אויסגעלערנט שחיטה, מילה און שרייבן סת"ם. אום י"ב אייר ה'תרס"ח (1908) איז נפטר געווארן זיין פאטער רבי מסעוד, און זיין בכור רבי דוד האט איבערגענומען זיין אמט. נישט א יאר נאכהער האט ער אויסגעטיילט זיינע אויטאריטעטן, און דער באבא סאלי איז באשטימט געווארן, ווערן ער איז געווען אלט 18 יאר, דער ראש הישיבה אין ריסאני.
משפחה
זיין ערשטע פרוי, רוחמה, איז אומגעקומען ארום צוויי יאר נאך זייער חתונה, ביים געבורט פון זייער טאכטער, וועלכע האט אויך נישט איבערגעלעבט.
פון זיין ווייב פרחה (געבוירן אַמסאַלעם, 1889-1972) האט ער געהאט ניין קינדער, אבער בלויז דריי פון זיי זענען געווארן ערוואקסענער:
- רבי מאיר אבוחצירא, וועמען ער האט געזען ווי זיין נאכפאלגער, איז נפטר געווארן אין 1983.
- רוחמה, וועלכער האָט חתונה געהאַט מיט איר קוזין רבי אברהם אבוחצירא, וועלכער איז געווען רב פון דער שטאָט יבנה און רמלה. רוחמה איז נפטר געוואָרן אין 2010.
- שרה (געבוירן 1927).
זיין ווייב מרים (טאכטער פון הרב אליהו אמסלם פון אלדזשיר, 1922-1985) איז אומגעקומען אין אן אויטא עקסידענט. ער האט געהאט פון איר פיר קינדער:
- אביגיל, ווייב פון הרב דוד באָסו.
- רבי ברוך אבוחצירא, באקאנט אלס "בבא ברוך", האט אויפגעשטעלט מוסדות אין נתיבות נאכן פטירה פון באבא סאלי.
- פנינה, ווייב פון הרב דוד יהודיוף זצ"ל.
- עליזה, ( 1948– 2022) די ווייב פון הרב אריה יהודה הראל, נפטר געווארן אין 2020.
פון זיין פרוי סימי (געבוירן 1938) האָט ער געהאַט צוויי קינדער:
- מסעוד, געהייסן נאָך באַבאַ סאַלי ס פאטער, איז געשטארבן אין די עלטער פון זיבן חדשים.
- אסתר, (נפטר אין 2018) האט חתונה געהאט מיט הרב ישר אדרעי, א שליח חב"ד און מנהל פון מוסדות חב"ד - "בית ישראל" אין נתיבות.
משב"ק
- הרב אליהו אלפסי, מחבר פונעם ספר, רבי ישראל אבוחצירא.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!