רבי חיים ראבינאוויטש
רבי רפאל חיים יחיאל ראבינאוויטש (געבוירן י"ח אב ה'תרצ"ה) איז דער היינטיגער רבי און מנהיג פון קהל משכנות הרועים, פון די באקאנטע אדמו"רים אין די קהילות פון ישוב הישן און די עדה החרדית.
 | |
| געבורט | ירושלים |
|---|---|
| השתייכות | העדה החרדית |
| תחומי עיסוק | אדמו"ר פון משכנות הרועים |
| טאטע | רבי בנימין ראבינאוויטש |
| קינדער | רבי שאול יצחק ראבינאוויטש |
ביאגראפיע
רבי חיים איז געבוירן י"ח אב ה'תרצ"ה אין ירושלים, אן עלטסטער זון פון רבי בנימין ראבינאוויטש, דיין אין בית דין פון העדה החרדית און מייסד פון קהל משכנות הרועים, און רוחמה ליבא. אלס אינגל האט ער געלערנט אין ישיבת חיי עולם[1] און האט זיך מסתופף געווען ביי רבי שלמ'קע זוועהילער. אלס בחור האט ער באקומען סמיכה פון רבי דוב בעריש וויידנפעלד, דער טשעבינער רב, און פון רבי יהושע מנחם עהרנבערג. אין זיין יוגנט האט ער זיך געדרייט ביי עטליכע צדיקי הדור, צווישן זיי: רבי ישראל פרידמאן פון באיאן-לייפציג; רבי מרדכי שלמה פרידמאן פון באיאן; רבי אברהם יהושע העשיל טווערסקי פון מאכניווקא; רבי ישראל פרידמאן פון הוסיאטין; רבי יצחק פרידמאן פון באהוש און רבי מרדכי שלום יוסף פרידמאן פון סאדיגורא.
ער האט חתונה געהאט מיט די טאכטער פון רבי אפרים פישל גרובער, ראש ישיבת שומרי אמונים, א תלמיד פון רבי מנחם בראדי, דער קאלובער רב.
דורכאויס די יארן האט ער געדינט אלס א מרביץ תורה אין ישיבת מאור עינים, אלס א משפיע רוחני אין באיאן, און אלס א ראש חבורה פאר חסידי באבוב אין ירושלים, פון וועלכע עס טוען זיך ביז היינט צוזאמנעמען א חבורה ביים אים אינדערהיים[מקור פארלאנגט].
נאך זיין טאטנ'ס הסתלקות, אום א' שבט ה'תשס"ב, איז ער אויפגענומען געווארן אלס רבי. ער האט געעפנט במשך די יארן שטיבלעך אין בית שמש און אין ניו יארק.
דער רבי איז באקאנט מיט זיין קעגנערשאפט צו גזירות הדת פון די מדינת ישראל רעגירונג, צווישן זיי די אריבערגאנג פון די לייכטע באן אויף בר-אילן גאס אין ירושלים[2], חיטוטי שכבי, חילולי שבת, און גזירת גיוס בנים ובנות[מקור פארלאנגט]. בפרט נאכ'ן הסתלקות פון רבי יצחק טוביה ווייס, דער ירושלימ'ער רב, ווערט דער רבי פאררעכנט אלס איינע פון די פירנדע מנהיגים אינערהאלב די העדה החרדית[מקור פארלאנגט]. ער איז אויך געווען פון די אוסרים צו גראבן אין די גולובנציץ שטח[מקור פארלאנגט]
פאמיליע
זין
- רבי שאול יצחק (נפטר געווארן כ"ה כסלו תשע"ט), באקאנט אלס איינער פון די גרעסטע לוחמים קעגן טעכנאלאגיע, ער האט געדינט אלס רב פון קהל משכנות הרועים אין קרית יואל[3].
- רבי עקיבא יוסף, מגיד שיעור אין ישיבת תורת משה ד'סאטמאר מאנטרעאל.
- רבי דוד צבי, איידעם פון רבי אהרן צבי רומפלער דער אדמו"ר פון תהילות ישראל.
- רבי אריה מרדכי, איידעם פון רבי מאיר אברהם אביש הורוויץ דער ספינקער רבי.
איידעמער
- רבי יוסף קאהן, זון פון רבי משה קאהן, ראש ישיבת תולדות אהרן.
- רבי ברוך יהודה וואגשאהל, לאנצהוטער רבי פון בית שמש.
- רבי חיים יעקב סאפרין, קאמארנער רבי אויף מלכי ישראל גאס אין ירושלים, אייניקל פון רבי חיים יעקב.
זיין אינגערער ברודער איז רבי עקיבא ראבינאוויטש, דער פאריסובער רבי.
ספרים
- ומשפטיו לישראל - איבער די איסור פון ערכאות
דרויסנדיגע לינקס
- אדמו"ר ממשכנות הרועים; האדמו"ר ממשכנות הרועים אויף JDN
- העדה, רועה נאמן
רעפערענצן
- ↑ שלמה ניימאן, "אשרי ילדותינו: די קינדער יארן פון אונזערע רבי'ס", קינדער שריפט 235, סוכות תשפ"ד, עמ' 58
- ↑ העדה צייטונג פרשת אחרי תשפ"ד
- ↑ "בד"ה: הרה"צ ר' שאול יצחק ראבינאוויטש זצ"ל", אשכול אויף אייוועלט