איך מוז דיר זאגן, אז פון די ערשטע מינוט וואס איך האב זיך דא מצטרף געווען האסטו מיר געגעבן אזא מוראדיגע הרגשה וואס עס קומט דיר א גרויסן ישר כח דערויף!!!
שוין גלייך ביים אויפנאמע האסטו מיר אויפגענומען אזוי שיין, און אויך בהמשך.
איך וויל נישט צוגלייכן, אבער ווי דו ווייסט, אין המכלול העברי איז די באציאונג צו נייע באנוצער געגרעניצט מיט פיינטליכקייט. יעדן איינעם קוקט מען אן מיט זיבן אויגן, און מען דארף אריבערגיין א פייער-טבילה צו קענען ממשיך זיין.
דא אבער, איז דא אזא געטרייער ליבליכער צמא לדעת, וואס נעמט אויף אזוי שיין, געבט אריין א מוט אין יעדן איינעם, און באגלייט מיט א ווארעמקייט.
מען קען זאגן אז דו האסט א גרויסע זכות אין דעם וואס די אידשע המכלול בויעט זיך. חילך למכלולייתא!
