אונטערשייד צווישן ווערסיעס פון "רוי:דזשעי.די. ווענס"

'''דזשעימס דעיוויד ווענס''' (געבוירן אלס James Donald Bowman דעם 2טן אויגוסט, 1984) איז אן אמעריקאנער פאליטיקער וועלכער דינט יעצט אלס דער 50סטער [[וויצע פרעזידענט]] פון די פאראייניגטע שטאטן אונטער פרעזידענט [[דאנאלד טראמפ]]. ער איז א מיטגליד פון דער [[רעפובליקאנער פארטיי]] און האט פריער געדינט אלס א [[פאראייניגטע שטאטן סענאט|סענאטאר]] פון [[אהייא]] צווישן די יארן 2023 און 2025. ווענס איז געווארן ברייט באקאנט אלס דער מחבר פונעם בעסטסעלער מעמואר Hillbilly Elegy{{ר}} (2016), וואס באשרייבט זיין אויפציאונג אין אַן ארבעטער פאמיליע אין אהייא און [[קענטאקי]]. ער איז א געוועזענער [[יו.עס. מארין קארפס|מארין]], אן אדוואקאט, און אַן אינוועסטירער.

ווענס איז געבוירן געווארן אין מידלטאון, אהייא, צו זיינע עלטערן דאנאלד באומען און בעווערלי ווענס, וועלכע האבן געהאט [[סקאטלאנד|סקאטיש]]-[[צפון אירלאנד|אירלאנד]]ישע ווארצלען. זיינע עלטערן האבן זיך גע'גט ווען ער איז נאך געווען א קליין קינד. זיין מוטער האט זיך געראנגלט מיט שווערע עדיקציעס צו דראגס און [[אלקאהאליזם|אלקאהאל]] פאר לאנגע יארן. צוליב דעם איז דזשעי. די. בעיקר אויפגעצויגן געווארן דורך זיינע מאמע'ס עלטערן, וועלכע האבן זיך אריבערגעצויגן קיין אהייא פונעם [[אפאלעטשיען בערג|אפּאלעטשיען]] ראיאן אין מזרח קענטאקי. זיין באבע, וועמען ער האט גערופן "מאמאוו", האט אים געגעבן די סטאביליטעט וואס ער האט געדארפט און אים אויפגעמונטערט צו מצליח זיין טראץ די שווערע אומשטענדן. זיין מוטער האט שפעטער געטוישט זיין מיטל נאמען צו דעיוויד און ער האט עווענטועל אדאפטירט זיין מוטער'ס מיידל נאמען, ווענס, אלס זיין פאמיליע נאמען לכבוד זיינע זיידע און באבע. זיין פאמיליע איז געווען איינע פון פילע אין מידלטאון מיט אפאלעטשיען ווארצלען. זיינע זיידע און באבע זענען געווען [[דעמאקראטישע פארטיי|דעמאקראטן]], אויסער ווען זיין זיידע האט געשטימט פאר [[ראנאלד רעיגען]] אין 1984.

גלייך נאכן גראדואירן פון היי סקול אין 2003, האט ווענס זיך אנגעשלאסן אין די אמעריקאנער מארינס קארפס. ער האט געדינט פון 2003 ביז 2007. ער האט געדינט אלס א קאמבאט קארעספּאנדענט אין דער [[איראקער קריג|איראק מלחמה]], אריינגערעכנט א זעקס-מאנאטן דעפּלאירונג אין דער פּובליק אנגעלעגנהייטן אפטיילונג אין איראק אין 2005, שרייבנדיג ארטיקלען און נעמענדיג בילדער אָן א אפיציעלער מיליטערישער ראלע. ער האט דערגרייכט געוויסע רייען און באקומען מעדאלן. ער גיט קרעדיט פאר די מארינס פארן אים לערנען דיסציפלין און פירערשאפט, און העלפן אויספארעמען זיין לעבן.

נאכן מיליטער האט ווענס געלערנט אין אהייא סטעיט אוניווערזיטעט, וואו ער האט באקומען א באטשעלאר דעגרי אין פּאליטישע וויסנשאפט און [[פילאזאפיע]] אין 2009. דערנאך האט ער שטודירט אין [[יעיל]] לאו סקול און באקומען זיין יוריס דאקטאר דעגרי אין 2013. אין יעיל איז ער געווען א רעדאקטאר פאר The Yale Law Journal און א פראפעסאר דארט, עימי טשואה, האט אים געגעבן די געדאנק צו שרייבן זיין מעמואר. נאכן גראדואירן האט ער געארבעט אין דער מולטינאציאנאלער געזעץ פירמע Sidley Austin LLP און געהאלטן פאזיציעס אין פארשידענע אינוועסטמענט פירמעס. ער האט זיך אריבערגעצויגן קיין סאן פראנסיסקא צו ארבעטן אין דער טעכנאלאגיע אינדוסטריע, וואו ער האט געדינט אלס א פארוואלטער אין דער ווענטשור קאפיטאל פירמע Mithril Capital, וועלכע געהערט צו פּיטער טיעל.

אין יוני 2016 האט ווענס ארויסגעגעבן דעם מעמואר Hillbilly Elegy: A Memoir of a Family and Culture in Crisis. אין דעם בוך האט ער דעטאלירט זיינע איבערלעבענישן וואקסנדיג אין מידלטאון און זיינע זומערן באזוכנדיג פאמיליע אין קענטאקי. ער באשרייבט א טרויעריגע רעאליטעט פון ארעמקייט, דראגס, און געוואלד אין זיין געמיינדע, מיט ווייניג האפענונג פאר עקאנאמישער פארבעסערונג. ער געדענקט מיט ליבשאפט זיין באבע, "מאמאוו", וועלכע האט אים געגעבן סטאביליטעט און אים אויפגעמונטערט צו איבערקומען זיינע שווערע אומשטענדן. דאס בוך איז געווארן א בעסטסעלער (איבער 3 מיליאן קאפיעס פארקויפט) און האט אנגעצויגן באדייטנדע מעדיע אויפמערקזאמקייט ביי די 2016 פרעזידענטליכע וואלן. עס איז באטראכט געווארן דורך פילע אלס א שליסל צו פארשטיין דעם אויפשטייג פון דאנאלד טראמפ צווישן ווייסע ארבעטער-קלאס וויילער, געבנדיג אן אריינבליק אין זייער לעבן. א [[פילם]] באזירט אויפן בוך איז ארויסגעגעבן געווארן אויף [[נעטפליקס]] אין 2020. דאס בוך האט געוואונען די Audie Award for Nonfiction אין 2017.

ביי זיין צייט אין סענאט, האט ווענס אפגעשפיגלט מאגא טאלקינג פונקטן. ער האט אויך מיטגעשטיצט ביי-פּארטייאישע געזעצן. ער האט זיך געקריגט מיט רעפּובליקאנער ווי [[מיט ראמני]] און [[מיטש מעקאנעל]] איבער אנגעלעגנהייטן ווי אמעריקאנער הילף פאר [[אוקראינע]], צו וועלכער ער איז דערקעגן. אלס סענאטאר איז ער געווארן א שטארקער פארטיידיגער פון טראמפ און א וויכטיגע פיגור אין דער "נייער רעכטס", וועלכער שטיפּט פאר א מער איזאָלאַציאניסטישער און קולטורעל קאנסערוואטיווער רעפובליקאנער פארטיי. זיין הויפט געהילף (Chief of Staff) אין סענאט איז געווען דזשעיקאב ריסיס, אן ארטאדאקסישער איד{{הערה|1=https://www.jpost.com/american-politics/article-812725}}.

ווענס איז געהייראט זינט 2014 צו אושא טשילוקורי-ווענס, א טאכטער פון פראפעסארן געבוירן אין אינדיע וועמען ער האט קענגעלערנט אין יעיל לאו סקול. זי האט געארבעט פאר טשיף דזשאסטיס דזשאהן ראבערטס און פאר ריכטער ברעט קעווענא אין וואשינגטאן, כאטש אירע קאלעגען האבן איר באצייכנט אלס א ליבעראלע אדער מאדעראטע. זיי האבן דריי קינדער: זין עווּען (געב' 2017) און וויוועק (געב' 2020), און טאכטער מאריבעל (געב' 2021). ווענס איז אויפגעוואקסן אין די עוואַנגעלישע פּראָטעסטאַנטישע צווייג פון קריסטנטום אבער האט זיך שפעטער קאנווערטירט צו קאטאליציזם און איז געווארן באפטריזירט אין 2019. ער האט אויסגעדריקט האפענונג אז זיין פרוי זאל זיך עווענטועל אויך קאנווערטירן צו קריסטנטום.