אונטערשייד צווישן ווערסיעס פון "רוי:היסטאריע"

געוויסע [[געאגראפיע|געאגראפישע]] לאקאציעס קענען זיין דער יסוד פאר היסטארישער שטודיע, למשל, [[קאנטינענט|קאנטינענטן]], [[לאנד|לענדער]] און [[שטאט|שטעט]]. פארשטיין פארוואס היסטארישע געשעענישן זענען געשען איז וויכטיג. פאר דעם צוועק ווענדן זיך היסטאריקער אפט צו [[געאגראפיע]]. לויט זשול מישעלע אין זיין בוך ''Histoire de France'' (1833), "אָן א געאגראפישן יסוד, זעען אויס די מענטשן, די שאפער פון היסטאריע, אזוי ווי זיי שפאצירן אויף דער לופט."<ref>{{Cite book|title=The Relations of History and Geography: Studies in England, France and the United States|last=Darby|first=Henry Clifford|publisher=University of Exeter Press|year=2002|isbn=0-85989-699-4|location=Exeter|pages=14}}</ref> וועטער־פורעמען, וואסער־פארזארג און די לאנדשאפט פון אן ארט, זיי אלע באאיינפלוסן  דאס לעבן פון די וואס וואוינען דארט. צום ביישפיל, כדי אויפצוקלערן פארוואס האבן די אוראלטע עגיפטער אנטוויקלט א דערפאלגליכע ציוויליזאציע, איז נייטיק צו שטודירן די [[געאגראפיע פון עגיפטן]]. עגיפטישע ציוויליזאציע איז געבויט געווארן אויף די ברעגן פונעם טייך נילוס, וואס האט יערלעך פארפלייצט די ארומיקע געגנט, און האט ארויפגעלייגט ערד אויף זיינע ברעגן. די רייכע באדן האט געהאלפן די פארמערס וואקסן גענוג גערעטענישן צו באשפייזן די באפעלקערונג פון די שטעט. במילא האט נישט יעדער איינער געדארפט זיין א פארמער, און אזוי האבן טייל מענטשן געארבעט אין שטעלעס וואס האבן געהאלפן אנטוויקלען די ציוויליזאציע. אויך דארף מען בארעכענען מיטן קלימאט, וואס היסטאריקערס ווי עלזווערט האנטינגטאן און אלען סעמפל האלט פאר א מכריעדיקע באווירקונג אויף דער קורס פון היסטאריע.<ref>{{Cite book|title=World history from early times to AD 2000|last=Rao|first=B.V.|publisher=Sterling Publishers Pvt. Ltd.|year=2007|isbn=978-81-207-3188-2|location=New Delhi|pages=5}}</ref>