אונטערשייד צווישן ווערסיעס פון "רוי:תענית בכורים"

אין [[שולחן ערוך]] (אורח חיים, סימן ת"ע, סעיף א') שטייט: "עס איז דא איינער וואס האלט אז א פרוי א בכורה פאסט אויכעט". און אויף דעם שרייבט די [[רמ"א]]: "און מען פירט זיך נישט אזוי", דאס הייסט אז די תענית איז נאר פאר מענער און נישט פאר פרויען. און די [[אשכנז]]'ישע [[קהילות]] פירן זיך ווי די [[רמ"א]]. אבער אין טייל [[ספרד]]'ישע [[קהילות]] פירט מען זיך אז א פרוי א בכורה פאסט אויכעט.

פארוואס פרויען זאלן נישט פאסטן. עס איז דא וואס זאגן אז די מצרי'שע פרויען זענען נישט געשטארבן,{{הערה|שמות רבה, פרשה ט"ו סימן י"ב. על פי חידושי הרש"ש.}} אבער אין אנדערע מדרשים שטייט אז פרויען זענען יא געשטארבן.{{הערה|פסיקתא, שמות רבה פרשה י"ח סימן ג.}} דער [[ווילנער גאון]] אויפן שלחן ערוך זאגט, אז זיי זענען פטור פון פאסטן וויבאלד זיי זענען פטור פון [[פדיון הבן]] וואס דעס איז אויך א זכר אויף דעם וואס די אידישע בכורים זענען געווארן געראטעוועט.{{הערה| וכן כתב בערוך השולחן סעיף ג'. ראו גם שולחן ערוך הרב בסימן זה.}}

אויב געפאלט ערב פסח ([[י"ד ניסן]]) אום [[שבת]], פאסט מען (אדער פטר'ט מען זיך דורך א  סעודת מצוה) דאנערשטאג, [[י"ב ניסן]]. אסאך [[פוסק]]ים (אזוי ווי די [[שולחן ערוך]]) האלטן אז אין אזא יאר דארף מען בכלל נישט פאסטן, אבער וויבאלד מען פירט זיך סייווי נישט צו פאסטן נאר זיך צו באטייליגן ביי א סעודת מצוה, פירט מען זיך אויך אזוי צו טון ווען ערב פסח געפאלט שבת.