אונטערשייד צווישן ווערסיעס פון "רוי:בענדין"

בענדין איז איינע פון די אוראלטע [[יידישע געמיינדע]]ס אין [[פוילן]]. דער יידישער יישוב האט זיך אנטוויקלט פון דעם שפעטערדיקן מיטל־אלטער. די ערשטע יידן זענען אנגעקומען אין דעם [[13טער י"ה|13טן יארהונדערט]], און רוב פון זיי האבן זיך באשעפטיקט מיט [[לאנדווירטשאפט]] און [[מסחר]]. די יידישע קהילה האט זיך אויפגעשטעלט אין דעם 14טן יארהונדערט א דאנק דעם מלך [[קאזימיר דער גרויסער]], וואס האט געשאנקען ספעציפישע רעכטן צו די יידן אז זיי זאלן מעגן וואוינען אין דער שטאט.

אין דעם [[רוסלענדישע אימפעריע|רוסישן]] [[צענזוס]] פון [[1897]] זענען די יידן געווען  51% פון 21,000 איינוואוינער אין דער שטאט, און אין דעם פוילישן צענזוס פון 1921 האט די צאל יידן דערגרייכט 17,298 און זייער טייל אין דער באפעלקערונג פון דער שטאט איז געשטיגן ביז 62.1%.  

אום [[4טן סעפטעמבער]] [[1939]], מיטן אויסברוך פון דער [[צווייטע וועלט מלחמה|צווייטער וועלט מלחמה]], האט די [[ווערמאכט|דייטשע ארמיי]] איינגענומען דעם געגנט, און [[עס עס]] זעלנער האבן פארברענט די שטאטישע [[שול]] און  דערמארדעט אסאך יידן פון דער שטאט. אין [[1942]] האבן זיי אויפגעשטעלט א [[געטא]] אין דער שטאט וואו מען האט קאנצענטריט די יידישע באפעלקערונג, און אין מאי האט מען אנגעהויבן פארטרייבן די יידן צום אוישוויץ פארניכטונגס לאגער. ביז זומער 1943 האט מען געשיקט די מערהייט פון די יידן אין דער שטאט אין אושוויץ.