רוי:רובע
| ||||||||||||||||||||||||||||
.svg)
רובע (פראַנצויזיש: Roubaix; האלענדיש: Robaais) איז אן אַלטע אינדוסטריעלע שטאָט אינעם נארד דעפארטמענט אין צפון פראנקרייך, נאנט צום גרענעץ מיט דער בעלגיע. זי באדעקט אַ לאַנד שטח פון 13.23 ק"מ². די באפעלקערונג פון דער שטאט (קאמונע) ביים 2013 צענזוס איז געווען 95,866 איינוואוינער.
די שטאָט ליגט צפון-מזרח פון ליל אייראָפּעאישער מעטראָפּאָליע (פראַנצויזיש: Métropole européenne de Lille), אַ גרעסערע קאנאורבאציע וואס נעמט איין אויך ליל, טורקווען און ווילענעוו ד'אסק, וואס איז די פערט גרעסטע מעטראָפּאָליטאַנע געגנט מיט א באפעלקערונג אין 2012 פון איבער 1.1 מיליאן מענטשן.
אינעם 19טן יארהונדערט האט רובע זיך אנטוויקלט פון א קליין דארף צו א שטאט פון טעקסטיל פאבריקאציע, און מ'האט זי גערופן דעם "פראנצויזישן מאנטשעסטער". פון א באפעלקערונג פון 8,091 אין 1800 איז רובע געוואקסן צו מער ווי 124,000 אין 1896. פֿון 1970 איז די טעקסטיל אינדוסטריע שטארק אראפ, און היינט איז נישט געבליבן אין רובע קיין איין גרויסע טעקסטיל פירמע.
איצט זענען פאראן פילע ארויסרופן און געזעלשאַפטלעכע פּראָבלעמען אין רובע ווי אָרעמקייַט און קריזיס. די שטאָט איז אויך אַ צענטער פון אַקאַדעמיע און קולטור, כולל אַ צאל קינאָס, מוזייען און אנדערע קולטורעלע אינסטיטוציעס. די שטאט איז איצט באקאנט פאר דעם לעגענדארישן פּאַריז-רובע וועלא פארמעסט (פראַנצויזיש: Paris-Roubaix).
צווילינג שטעט
רובע האט די פאלגנדע צווילינג שטעט:[1]
בראדפארד (Bradford), פאראייניגטע קעניגרייך, זייט 1969
מענשענגלאַדבאַך (Mönchengladbach), דייטשלאנד, זייט 1969
ווערוויע (Verviers), בעלגיע, זייט 1969
סקאפיע (Скопје), צפון-מאקעדאניע, זייט 1973
פּראַטאָ (Prato), איטאַליע, זייט 1981
סאסנאווצע (Sosnowiec), פוילן, זייט 1983
קאָווילאַ (Covilhã), פארטוגאל, זייט 2000
בהויִראַ (البويرة), אַלזשיר, זייט 2003
צווילינג שטעט
| וויקימעדיע פונדאציע פּראיעקטן |
|---|
 בילדער און מידיע אויף וויקימעדיע קאמאנס: רובע |
רעפערענצן
- ↑ "Atlas français de la coopération décentralisée et des autres actions extérieures". Commission nationale de la coopération décentralisée (in פראַנצויזיש). France Diplomatie. 2014. Retrieved 2015-07-07.
{{cite web}}: CS1 maint: unrecognized language (link)