רוי:רבי לוי יצחק גרינוואלד
הרב לוי יצחק גרינוואלד (ה'תרנ"ג - כ"ז ניסן ה'תש"מ) איז געווען באקאנט אלץ דער צעהלימער רב, פון די פראמינענסטע רבנים נאכ'ן קריג, וואס איז געווען דער ערשטער בעל מכשיר אין אמעריקא נאכן צווייטן וועלטס קריג.
ער האט געפירט זיין רבנות אלץ אב"ד דקהילת צעהלים אין וויליאמסבורג, און האט ספעציעל אויפגעשטעלט אין זיין קהילה א תלמוד תורה פאר היימישע יונגלעך, און איז געווען פון די הויפט איבערפרישער פונעם ארטאדאקסישער געמיינדע אין ברוקלין און ארום.
רבי לוי יצחק איז געבוירן צו זיין פאטער הרב רבי משה גרינוואלד זצוק"ל - דער בעל ערוגת הבושם, און צו זיין מוטער הרבנית זיסל ע"ה - א טאכטער פון ר' אברהם געשטעטנער, אינעם געגענד פון גיאָר-מאָשאָן-שאָפּראָן, אונגארן. און איז געווען א ברודער פונעם בעל ויגד יעקב.
זיין רעביצין איז געווען א טאכטער פון הרב שלמה ברוך סג"ל פראגער, אב"ד פעטראוואסעלא.
כאטש ער איז נישט געווען קיין רבי נאר א רב פון א קהילה, איז ער פאררעכענט געווארן אלץ א איש קדוש מאוד, און זייער א באהאלטענער כאראקטער. אבער אין עסקנות איז ער געווען זייער אקטיוו, און ער האט אוועקגעשטעלט דאס ריכטיגע כשרות אפאראט ביים היימישער ציבור, סיי אויף געטראנקען און און עסן, און סיי אנדערע יודישקייט אנגעלעגענהייטן.
דער צעלימער רב זצוק"ל איז נסתלק געווארן אום זונטאג פרשת טהרה. ער האט נישט איבערגעלאזט קיין קינדער. זיין ממלא מקום איז געווארן זיין רעביצינ'ס זוהן - רבי יוסף משה גרינוואלד שליט"א (געבוירן אין סעגעדין, י"ח אייר תש"ד)[1] - א זון פון ר' חיים יעקב ברעזניץ וואס איז אומגעקומען ביים קריג.
דער צעלימער דומ"ץ איז הרב אהרן זילבערשטיין.
רעפערענצן
- ↑ שלמה ניימאן, "אשרי ילדותינו: די קינדער יארן פון אונזערע רבי'ס", קינדער שריפט 235, סוכות תשפ"ד, עמ' 60
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!