רבי חיים ראבינאוויטש
רבי רפאל חיים יחיאל רבינוביץ איז דער היינטיגער רבי און מנהיג פון קהל משכנות הרועים, פון דו פירנדע אדמו"רים אין קהילות היישוב הישן און העדה החרדית.
ביאגראפיע
רבי חיים איז געבוירן י"ח אב ה'תרצ"ח אין ירושלים אלס עלטסטער זוהן פון רבי בנימין ראבינאוויטש, דיין אין העדה החרדית און מייסד פון קהל משכנות הרועים, און צו זיין מוטער רוחמה ליבא. אלס יונגעל האט ער זיך מסתופף געווען ביי רבי שלמקע זוועהיל'ער. אלס בחור האט ער באקומען סמיכה פון רבי דוב בעריש וויידנפעלד, דער טשעבין'ער רב, און פון רבי יהושע מנחם עהרנבערג. אין זיין יוגענט האט ער זיך מדבק געווען צו צדיקי הדור, צווישן זיי: רבי ישראל פרידמאן פון באיאן-לייפציג; רבי מרדכי שלמה פרידמאן פון באיאן; רבי אברהם יהושע העשיל טווערסקי; רבי ישראל פרידמאן פון הוסיאטין; רבי יצחק פרידמאן פון באהוש און רבי מרדכי שלום יוסף פרידמאן פון סאדיגורא.
ער האט חתונה געהאט מיט די טאכטער פון רבי אפרים פישל גרובער ראש ישיבת שומרי אמונים, תלמיד פון רבי מנחם בראדי.
איידער'ן אויפגענומען ווערן אלס רבי האט ער געדונט אלס א מרביץ תורה און ישיבת מאור עינים, אלס א משפיע רוחני אין באיאן אין אלס א ראש חבורה פאר חסידי באבוב אין ירושלים.
הנהגה
נאך זיין טאטען'ס הסתלקות, אין טאג א' שבט ה'תשס"ב איז ער אויפגענומען געווארן אלס ממלא מקומו. ער האט אויפגעשטעלט במשך די יאהרן שטיבלעך אין בית שמש און אין ניו יארק.
דער רבי איז ברייט באקאנט מיט זיין קעגענשטעלונג קעגן גזירות הדת פון די מדינת ישראל רעגירונג, צווישן זיי די אריבערגאנג פון די לייכטע באן אויף בר-אילן גאס אין ירושלים, חיטוטי שכבי, חילולי שבת און גזירת גיוס בנים ובנות. בפרט נאכ'ן הסתלקות פון רבי יצחק טוביה ווייס, דער ירושלימער רב, איז דער רבי פארעכנט אלס איינע פון די פירענדע מנהיגים אינערהאלב די קהילות החונים תחת דגל העדה החרדית.
משפחתו
זיינע זין
- רבי שאול יצחק (נפטר געווארען כ"ה כסלו תשע"ט), באקאנט אלס איינע פון דו גרעסטע לוחמים קעגן פגעי הטעכנעלאגיע, ער האט געדונט אלס א מגיד מישרים און רב פון קהל משכנות הרועים אין קרית יואל[1].
- רבי עקיבא יוסף, ר"מ בישיבת תורת משה ד'סאטמאר אין מאנטרעאל.
- רבי דוד צבי, איידעם פון רבי אהרן צבי רומפלער האדמו"ר מתהילות ישראל.
- רבי אריה מרדכי, איידעם פון רבי מאיר אברהם אביש הורוויץ האדמו"ר מבית יצחק ד'ספינקא
- זיינע איידימער
- רבי יוסף קאהן זון פון רבי משה קאהן ראש ישיבת תולדות אהרן.
- רבי ברוך יהודה וואגשאהל האדמו"ר מלאנצהוט בית שמש.
- רבי חיים יעקב סאפרין, קאמארנער רבי אויף מלכי ישראל גאס אין ירושלים, אייניקל פון רבי חיים יעקב.