רוי:רבי מנחם מענדיל האגער (קייאמישע)
מנחם מענדל האגער איז דער וויזשניצער רבי פון קייאמישע לייק.
לעבענסגעשיכטע
רבי מענדל איז געבוירן געווארן אין די פאראייניגטע שטאטן צו זיין פאטער רבי מרדכי האגער, דער פריערדיגער וויזשניצער רבי פון מאנסי, און צו זיין מוטער מרת סימא מירל, טאכטער פון הרה"ק רבי יעקב יוסף טווערסקי, דער פריערדיגער סקווירער רבי. ביי זיין ברית, איז זיין זיידע הרה"ק דער אמרי חיים געווען דער סנדק, און ער האט באקומען דעם נאמען "מנחם מענדיל" נאך דעם גרינדער פון דער וויזשניצער דינאסטיע, הרה"ק רבי מנחם מענדיל האגער, בעל מחבר ספר "צמח צדיק". אין זיינע בחורישע יארן האט ער געלערנט אין דער וויזשניצער ישיבה אין בני ברק אונטער דעם אויפזיכט פון זיין זיידן דער אמרי חיים, פון וועם ער האט געהאט די זכיה צו שעפן תורה און יראת שמים, און צו וועמען ער איז געווען געבונדען זייער שטארק.
ווען ער האט דעגרייכט דעם פרק 'האיש מקדש', האט ער געהייראט זיין שוועסטער־קינד מרת פייגא שפרה, טאכטער פון רבי חי יצחק טווערסקי, רחמיסטריווקער רבי אין אמעריקע.
א סאך יארן האט ער געדינט אלס רב פון דער מאנסי-וויזשניצער קהילה אין דעם וויזשניצער שטעטל קייאמישע לייק, וואו עס וואוינען רעגלמעסיג 110 משפחות דורכאויס דעם יאר, און וואו ס'געפינט זיך די ישיבה גדולה פונעם חסידות. פילצאליגע יונגעלייט וואס האבן געלערנט אין דער ישיבה האבן אויך אהינגעצויגן וואוינען דויערהאפטיג. דער רבי איז באקאנט אלס א קלוגער מענטש און אן אויסטערלישער תלמיד חכם, זיין דרך הלימוד איז לויט דעם אונגארישן שטייגער בעומק הפשט, זייענדיג מדייק אין יעדן ווארט. דער ספר "דקדוקי סופרים" איז אפטמאל א גאסט ביי אים. צווישן די כתבים פונעם רבי'ן זענען פאראן פילצאליגע פלפולים, חידושי תורה און שיעורים וועלכע ער האט אפגעשריבן דורכאויס די יארן. גענוי ווי זיין פאטער איז ער אויך זייער שטארק קעגן בילדער, און ער לאזט נישט כאפן קיין בילדער פון אים אויף קיינען פאל נישט; לעצטנס האט ער אנגעהויבן טראגן ברילן אין אלע פארעפנטליכע פלעצער כדי צו פארמיידן דאס כאפן בילדער.
קינדער
- מרת ציפורה, ווייב פון הרב ישראל יצחק בריעף.
- הרב חיים מאיר, האט געהייראט זיין שוועסטער-קינד מרת מרים, טאכטער פון זיין פעטער רבי אברהם דוב טווערסקי.
- מרת שרה חנה רחל, ווייב פון הרב דוד טווערסקי, זון פון מנחם נחום, דער טשערנאבילער רבי פון בני ברק.
- הרב יעקב יוסף, האט געהייראט זיין שוועסטער-קינד מרת סאשא, טאכטער פון זיין פעטער רבי יהוסף בן ציון ראטנבערג פון קאסאן בארא פארק.
- הרב אברהם יהושע העשיל, האט געהייראט זיין שוועסטער-קינד מרת חנה טאכטער פון איר פעטער הרב צבי אלימלך האלבערשטאם בארנאוו'ער רב, איידעם פון רבי חי יצחק טווערסקי, רחמיסטריווקער רבי אין אמעריקע.
- הרב ישראל, האט געהייראט זיין שוועסטער-קינד מרת מרגלית, טאכטער פון איר פעטער רבי ברוך שמשון האגער, דער וויזשניצער רבי אין בית שמש און איידעם פון ישראל האגער דער וויזשניצער רבי פון בני ברק.
- מרת הינדא, ווייב פון איר שוועסטער-קינד יהושע, זון פון איר פעטער רבי ישראל אליעזר פיש, דער ביקסאדער רבי.
- מרת חוה, ווייב פון הרב מרדכי פנחס, זון פון איר פעטער רבי דוד משה, זון פון רבי חי יצחק טווערסקי, רחמיסטריווקער רבי אין אמעריקע.
- הרב דוד, האט געהייראט זיין שוועסטער-קינד מרת מרגליא, טאכטער פון זיין פעטער רבי יצחק יוחנן האגער, וויזשניצער רבי פון וויליאמסבורג.
- הרב ברוך, האט געהייראט מרת שרה, טאכטער פון רבי חיים יצחק אייזיק כהנא, ספינקער רבי פון לאנדאן-מאנסי.
- מרת לאה, ווייב פון הרב זאב וואלף, זון פון איר שוועסטער-קינד יעקב יוסף פיש, זון פונעם ביקסאדער רבי'ן.
- מרת מרגליא, ווייב פון איר שוועסטער-קינד הרב ישראל, זון פון איר פעטער דוד האגער, וויזשניצער רבי פון לאנדאן.
- הרב יוחנן, האט געהייראט מרת מרגליא, טאכטער פון זיין שוועסטער-קינד רבי יעקב יוסף האגער, זון פון ישראל, דער וויזשניצער רבי פון מאנסי, און איידעם פון רבי דוד טווערסקי, דער סקווירער רבי.
- מרת טראנא, ווייב פון הרב חיים מאיר, זון פון איר שוועסטער-קינד יעקב יוסף האגער, וויזשניצער רבי פון בארא פארק, און זון פון פנחס שלום, דער "אור שלום" פון וויזשניץ בארא-פארק.
- מרת אסתר רבקה, ווייב פון איר שוועסטער-קינד הרב נפתלי, זון פון רבי זאב וואלף פיש, זון פון ביקסאדער רבי.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!