רוי:רבי נפתלי חיים הורוויץ
רבי נפתלי חיים הורוויץ זצ"ל (ה'ת"ר - י' תשרי ה'תרנ"ה), דער וואונדער צדיק.
אפשטאם
רבי נפתלי חיים איז געבוירן אין יאר ה'ת"ר (אומגעפער), צו זיין פאטער הרב מאיר הורוויץ רב אין דזשיקאוו, דער אמרי נועם, א זון פון הרב רבי אליעזר הורוויץ רב אין דזשיקאוו, באקאנט אלס רבי אליעזר'ל דזשיקאווער, א זון הרב רבי נפתלי צבי הורוויץ דער ראפשיצער רב. און צו זיין מוטער מרת דבורה א טאכטער פון הנגיד הרב קלמן פיעצליס פון קראקא.
זיין געשיכטע
רבי נפתלי חיים איז געווען דער קרוין-פרינץ איבער צונעמען דאס רבנות אין דזשיקאוו און צו פירן ווייטער דאס דזשיקאווער חסידות, דאך האט ער זיך ענדערשט אויס געוועלט זיך צו פירן אבגעזונדערט און פארשלאסן. ער האט געלערנט אין צאנז ביי זיין עלטער-שווער דער דברי חיים, און איז געווען איינגעטוהן און לערנען מיט א פולע אבגעזונדערטקייט, ער איז ארויס פון שטוב נאהר אויף צו גיין און מקוה און צום דאווענען, ער האט מיט קיינעם געשמועסט אויך נישט קיין דברי תורה אדער חסידות.
אין דער צייט האט מען רבי נפתלי חיים איינגעבאטן פארשידענע רבנישע שטעלעס, ער האט זיי אלע אפגעווארפן. ווען ער איז צוריק געפארן קיין דזשיקאוו, האט זיין פאטער, דער אמרי נועם - וועלכער איז שטארק נישט געזונט געווען - אים געוואלט איבער געבן דאס רבנות, אבער אויך דאס האט ער - צום גרויס איבערראשונג פון זיין פאטער - קאטעגאריש אפגעזאגט. זעענדיג אז ער האט נישט קיין מנוחה פון מענטשן וואס קומען אים מוטשען פאר ברכות האט ער באשלאסן ארויף צו פארן קיין ארץ ישראל, ערשט האט ער זיך באזעצט אין צפת נאכהער איז ער געפארן קיין ירושלים.
הסתלקות
רבי נפתלי חיים האט געהאט א מנהג ווען ער האט גערעדט מיט מענטשן פלעג ער ענדיגן דעם שמועס מיטן ווארט "והכהנים" אינעם ניגון פון דער עבודה פון יום כיפור. קיינער האט דאס נישט פארשטאנען ביז ער איז נפטר געווארן יום כיפור ביי דער עבודה פון מוסף, י' תשרי ה'תרנ"ה.
פאמיליע
רבי נפתלי חיים האט געהייראט מרת יוכבד רבקה די טאכטער פון הרב משה אונגאר פון צאנז, א זון פון הרב מרדכי דוד אונגאר דער דאמבראווער רב און אן איידעם פון הרב רבי חיים האלבערשטאם, דער דברי חיים. זייערע קינדער:
- הרב אליהו הורוויץ (ה'תר"כ (אומגעפער) - ו' מנחם אב ה'תרפ"ג), רב אין זשאלין.
- הרב בצלאל הורוויץ (ה'תרכ"ה - ה'תר"ס) (אומגעפער), פון פילזנא.
- הרב אליעזר ניסן הורוויץ (ה'תר"ל (אומגעפער) - ב' תמוז ה'תרע"ו), פון צפת.
- מרת פרימט, די ווייב בזיווג שני פון איר פעטער הרב אהרן הורוויץ (ה'תר"י - י"ב אדר א' ה'תרפ"ז), רב אין בייטש.
רעפערענצן
- אנציקלופדיה לחכמי גליציה, מאיר וונדר
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!