רוי:פאמיליע-נאמען
פאמיליע־נאמען אדער משפחה־נאמען איז דער טייל פון א מענטשנס נאמען וואס באצייכנט צו וועלכער פאמיליע געהערט ער. היינטיגע טעג איז זייער פארשפרייט דאס באניץ פון פאמיליע־נעמען אינערהאלב פיל קולטורן און געזעלשאפטן אין דער וועלט, אויבוואויל האט יעדע קולטור אירע אייגענע כללים וויאזוי מען באשטימט און וויאזוי מען ניצט דעם פאמיליע־נאמען. געווענליך טוט דער פאמיליע־נאמען נישט באדייטן אויסדריקלעך א געוויסע משפחה־שאפט אדער פאך (איינער וואס הייסט בעקער איז נישט קיין בעקער נאר אן אדוואקאט, און דער בעקער הייסט אפשר קאצעוו אא"וו), נאר יעדער איינער קען אויסקלויבן ווען ער וויל וואס פארא פאמיליע־נאמען.
אין לענדער פון אייראפע, צפון אמעריקע אין דרום אמעריקע (אחוץ געוויסע אויסנאמען) איז דער פאמיליע־נאמען דער לעצטער טייל פון דעם נאמען פון א מענטש. אין א סך לענדער אין אזיע און אין אפריקע (ווי אויך אין אונגארן) שרייבט מען דעם פאמיליע־נאמען צוערשט.
דער פאמיליע־נאמען פון א מענטש גייט אריבער פונעם פאטער צו די קינדער; טאמער מען דערקענט נישט דעם פאטער, אדער אין א פאל וואו די עלטערן זענען נישט פארהייראט, נעמט דאס קינד זיין מוטער'ס פאמיליע־נאמען. (אין גאליציע האבן רוב אידן געהאט חתונה מיט חופה און קידושין, אבער די חתונה איז נישט געווען איינגעשריבן ביי דער רעגירונג, האבן די קינדער גענומען דער מוטער'ס פאמיליע־נאמען.)
אין א סך לענדער ווען א פרוי האט חתונה טוט זי בייטן איר פאמיליע־נאמען אויף איר מאנ'ס פאמיליע־נאמען. אין אנדערע לענדער לייגט זי צו איר מאנ'ס נאמען צו איר אייגענעם נאמען.
באוואוסטע פאמיליע נעמען
ס'דא באוואוסטע פאמיליע נעמען, וואס שטעלן מיט זיך פאר עפעס מער ווי סתם א לעצטער נאמען.
צום ביישפיל, די נעמען ראפאפארט, שפירא, הורוויץ, מרגלית, זענען נעמען וואס איז אנגענומען אלץ איין גרויסע משפחה, וואס זייער ייחוס ציהט זיך זייער קלאר און באקאנט. די ראפאפארטס זענען כהנים, שפירא און הורוויץ - לויים, און מרגלית ישראלים. אזוי אויך די לאנדא משפחה איז מערסטנס מאל לויים.
ס'דא פאמיליע נעמען וואס זענען נישטא נאך א משפחה מיט דעם נאמען - אז זיי זאלן נישט האבן קיין פארבינדונג אין אפשטאם, נאר ס'איז די זעלבע גרויסע משפחה. צום ביישפיל 'געשטעטנער' איז איין גרויסע משפחה. 'שלאס' איז איין פאמיליע.
דרויסנדע לינקס
- מנוע חיפוש לשמות משפחה [1]
- רבקה טוהוס-דבראו, ניתוח מקפים, באתר הארץ, 11 בדצמבר 2011
- איציק יונה, ואלה שמות, באתר הקוריאנים - המדריך לקוריאה, 10 בפברואר 2008
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!