רוי:נמרוד
 |
דאס איז א דרעפט ארטיקל. עס איז אַן אַרבעט אין פּראָגרעס וואָס איז אָפן פאַר רעדאַגירונג דורך סיי וועם. ווען דער דרעפט איז פארטיג, ביטע גייט איבער דעם אריבערפירן טשעקליסט, זיכער צו מאכן אז עס איז גרייט. דערנאך קענט איר בעטן פון די דרעפט אריבערפירער אז זיי זאלן עס איבערגיין און אריבערפירן צום הויפט געביט. (אייער בקשה וועט פובליצירט ווערן אין המכלול:אריבערפירן דרעפטס, און דארט וועט אויך ערשיינען דער ענטפער - אויב פעלט אויס). |
פאר אנדערע באדייטן, זעט נִמְרוֹד איז א תנ"ך שישקע וואס ווערט דערמאנט אין בראשית י, ווי א זון פון כוש (זון פון חם), זון פון נח.
אין תנ"ך און מדרש
אין קעגנזאץ צו א מערהייט כאראקטערס וואס ווערן דערמאנט אין פרשת נח, שטעלט זיך נישט פאר נמרוד צו זיין א טאטע פון א געוויסע פאלק, נאר שטייט ווי א כאראקטער פאר זיך. ער ווערט נישט פארגעשטעלט נאר מיטן צייכענען זיין נאמען, ווי אנדערע כאראקטערס אין די פרשה, נאר עס ווערן אויך געברענגט אפאר איינצעלהייטן וועגן זיין לעבן, אז ער איז געווען א העלד יעגער, אז זיין קעניגרייך איז געווען אין שנער, אין די שטעט בבל, ארך, אכד און כלנה (א שטאט וואס מען טרעפט נישט היינט). לויטן רמב"ן און נאך מפרשים האט נמרוד געבויט און צוגאב צו זיי אין אשור די שטעט נינוה, כלח, רסן און רחובות עיר (אויך איר טרעפט מען נישט היינט). אין מיכה ה, ווערט דערמאנט "ארץ נמרוד" אין באציאונג צו בבל.
נמרוד האט געלעבט ארום 215 יאר פון א'תתק"ח ביז ווען אברהם איז נפטר געווערן אום ב'קכ"ג. טייל מפרשים זאגן אז ער איז געהארגעט געווארן דורך עשיו ווען עשיו האט גערויבט פון נמרוד זיין ספעציעלע קלייד.
זיין נאמען ווערט געטייטשט צו שאנד ווי א ווידערשפעניגער אין גאט ווי עס ווערט ערקלערט אין חז"ל, צווישן אנדערע איז צו אים מיוחס אין מדרש דאס אונטערנעמונג פון בויען די בבל טורעם, און אזוי אויך ווערט דערציילט אויף אים אין מדרש אז ער האט באפוילן אריינווארפן אברהם אין אויוון, אין זיין יוגנט, צוליב זיין אפזאגן זיך פון זיך בוקן צו די געטער פון בבל. אין מדרש אברהם און די צלמים וואס ערשיינט אין בראשית רבה ווערט געשילדערט די טעאלאגישע דעבאטע צווישן אברהם דער מאנאטעיסט און נמרוד דער געצנדינער: אין גמרא (בבא בתרא, צא, א) ווערט דערציילט אז נמרוד האט איינגעשפארט פאר אברהם אין שטאט כותה במשך דריי יאר.[1]
נטלו ומסרו לנמרוד. אמר לו: עבוד לאש. אמר לו אברהם: ואעבוד למים, שמכבים את האש? אמר לו נמרוד: עבוד למים! אמר לו: אם כך, אעבוד לענן, שנושא את המים? אמר לו: עבוד לענן! אמר לו: אם כך, אעבוד לרוח, שמפזרת עננים? אמר לו: עבוד לרוח! אמר לו: ונעבוד לבן אדם, שסובל הרוחות (=שיש בתוכו "רוח", כלומר נשמה)? אמר לו: מילים אתה מכביר, אני איני משתחוה אלא לאוּר (=לאש) - הרי אני משליכך בתוכו, ויבא אלוק שאתה משתחוה לו ויצילך הימנו!
טייטש: האט מען אים גענומען און איבערגעגעבן צו נמרוד. האט ער אים געזאגט: דין דעם פייער. האט אים אברהם געזאגט: און אפשר זאל איך דינען די וואסער, וואס לעשן דעם פייער? האט אים נמרוד געזאגט: דין די וואסער! האט ער אים געזאגט: אויב אזוי, זאל איך בעסער דינען דעם וואלקן, וואס טראגט די וואסער? האט ער אים געזאגט: דין דעם וואלקן! האט ער אים געזאגט: אויב אזוי, זאל איך בעסער דינען די ווינט וואס צושפרייט די וואלקנס? האט ער אים געזאגט: דין דעם ווינט! האט ער אים געזאגט: זאלן מיר דינען דעם מענטש, וואס האלט אין זיך א ווינט (=עס איז דא אין אים א "גייסט", דאס מיינט א נשמה) האט ער אים געזאגט: דו רעדסט אסאך, איך בוק זיך נישט נאר צום פייער - איך ווארף דיר אריין אין אים, און זאל קומען דיין גאט וואס דו בוקסט זיך צו אים און ער זאל דיר ראטעווען!— בראשית רבה ל"ח, יג
אויך יוסף בן מתתיהו (קדמוניות היהודים, ספר א קאפיטל 4) שילדערט נמרוד ווי איינער וואס שטעלט פאר אן אלטערנאטיוו צום זיך אונטערגעבן פונעם מענטש צו גאטס קאנטראל, און רופט פארן מענטשהייט צו געוועלטיגן אינעם נאטור און אויך זיך באשיצן פון גאט דורך די בבל טורעם וואס וועט זיי באשיצן פון א מבול.
רבי אברהם אבן עזרא טייטשט די פשט פון פסוק "לפני ה'" אז נמרוד פלעגט פאנגען בעלי חיים און זיי מקריב זיין פאר אן עולה לה'[2], אבער ער לייגט צו אז לויטן דרש ווערט דאס אנדערש געדרשנט.
אין מדרשים פון חז"ל, אמרפל וואס ווערט דערמאנט אין ספר בראשית איז נמרוד און זיין נאמען ווערט געדרשנט אין נוטריקון אז אמר (ער האט געזאגט) צו אברהם פול (פאל אריין) אין אויוון (עירובין נג, א).
די נאמען "נמרוד"
ביי אידן האלט מען זיך אפ פון נוצן דאס נאמען "נמרוד", וויבאלד ער איז געווען א רשע, און בפרט אז זיין נאמען ווייזט אויף זיין שלעכטע נאטור. אבער צווישן אזעלכע וואס זענען נישט קיין שומרי תורה ומצוות איז די נאמען געווען זייער מצוי אין פארגאנגענהייט אבער איז זייער ווייניגער געווארן היינטיגע צייטן.
די מעשיות וואס זענען פארבונדן געווערן ארום די נאמען פון נמרוד ערשיינען, להבדיל, אויך ביי די קריסטן און מוסולמענער און די נאמען ערשיינט ווי א קריסטליכע פאמיליע נאמען. עס זענען אויך פארהאן צייטונגען אין פארשידענע טעמעס וואס טראגן די נאמען נמרוד. דאס פארשטעלן נמרוד ווי א העלד יעגער האט באקומען אן אויסדרוק מיטן נוצן זיין נאמען אלס די נאמען פון בריטישע קריגס שיפן, בריטישער קריגס פליגער, הוקר נמרוד, בריטישער קוק פליגער, הוקר סידלי נמרוד, און א איזראעלישער מיסיל ק"ט, נמרוד.
צופוסנס פון חרמון געפונט זיך די נמרוד פעסטונג, און נאנט צו אים איז אויפגעשטעלט געווארן די שטעטל נמרוד. אין פינעף שטאטן פון אמעריקע זענען פארהאן שטעט וואס טראגן די נאמען נמרוד.
צו ליינען נאך
- Uehlinger, Christoph. "Nimrod." Pages 627-630 in Dictionary of Deities and Demons in the Bible. Edited by Karel van der Toorn, Bob Becking, and Pieter W. van der Horst. 2nd ed. Leiden: Brill, 1999. ISBN 90-04-11119-0
דרויסנדע לינקס
| וויקימעדיע פונדאציע פּראיעקטן |
|---|
 בילדער און מידיע אויף וויקימעדיע קאמאנס: רוי:נמרוד |
- נמרוד, אין "אנציקלופדיה יהודית" אויף "דעת"
- "נמרוד", JewishEncyclopedia.com (ענגליש)
- ה' מציל את אברהם מאש נמרוד, מאלעריי פון מחזור לייפציג, ארום 1320 יארע, אין וועבזייטל הספרייה הווירטואלית של מטח
רעפערענצן
- ↑ בבא בתרא צא, א
- ↑ אבן עזרא בראשית י' ט' מויקיטקסט
קטגוריה:אישים בספר בראשית
קטגוריה:מלכי הגויים בתנ"ך
קטגוריה:אברהם