רוי:סטרעטין (חסידות)
סטרעטין איז דער נאמען פון א הויף וואס רבי יודא הערש בראנדוויין האט געגרינדעט אין סטרעטין, גאליציע.
געשיכטע
רבי יודא הערש בראנדוויין האט געוואוינט אינעם שטעטל סטרעטין, גאליציע, און איז געווען א תלמיד מובהק פונעם שרף פון סטרעליסק. אין תקפ"ו האט דער שרף מסמיך געווען רבי יודא הערש צו זיין זיין ממלא מקום. פון דעמאלט אן האבן מאסן חסידים געשטראמט צו אים צו נעמען אן עצה ביי אים און באקומען זיין ברכה. די מסורה דערציילט אז רבי יודא הערש איז געווען א בן אחר בן פון זעכצן דורות בעלי רוח הקודש.
ער איז געווען באקאנט מיט זיינע תפילות וואס זענען געווען כנוסח סטרעליסק בקולי קולות ובאש להבה, און ער האט באגרינדעט דעם נוסח וואס איז געווען באקאנט אלס "נוסח סטרעטין".
זיינע תורות זענען געדרוקט אין ספר "דגל מחנה יהודה".
זיין ממלא מקום איז געווען זיין עלטסטער זון רבי אברהם.
דער סטרעטינער בוים
- דער גרינדער פונעם הויף און ערשטער רבי איז געווען יהודה צבי בראנדוויין, וואס האט געפירט צווישן די יארן תקפ"ו - תר"ד. ער איז געבוירן געווארן אין תק"מ אין זאוואליוו, צו רבי שמואל זאנוויל זון פון רבי מרדכי פעשיס שטאט'ס רב פון נאראיעוו. ער איז נפטר געווארן י"א אייר תר"ד, און באערדיגט אין דער חלקה פון די סטרעטינער רבי'ס, אין גאליציע.
- דער צווייטער רבי איז געווען זיין זון רבי אברהם בראנדוויין פון סטרעטין, וואס האט געפירט צווישן די יארן תר"ד-תרכ"ה. ער איז געבוירן געווארן אין תקס"ה, און איז נפטר געווארן ג' טבת תרכ"ה, און באערדיגט אין דער חלקה פון די סטרעטינער רבי'ס, אין גאליציע. ער האט געהאט פיר איידעמער: רבי ישכר דוב פון דאלינא, רבי אורי זיין ממלא מקום, רבי אהרן בראנדוויין פון פלעשטין (אליקער און קרעמניצער גזע) און רבי פנחס בראנדוויין פון ברעזשאן (קרעמניצער גזע).[1] צוויי פון זיינע איידעמער האבן געטוישט זייערע משפחה נעמען צו בראנדוויין כדי איבערלאזן א זכר פאר זייער שווער.
רעפערענצן
- ↑ א זון פון רבי יעקב יוסף, אן אייניקל פון רבי מרדכי קרעמניצער זעט דא. רבי פנחסנ'ס זון איז געווען רבי ישראל ברעזשאנער וואס האט פארלאזט זיין רביסטעווע און איז ארויף קיין ארץ ישראל. רבי ישראל'ס זון איז געווען רבי יעקב מרדכי, דער שווער פון זושא פון טשערנאביל און זיינע איידעמער זענען געווען זיין נעפע'ס זון, רבי אברהם פון קנייהאניטש און הרב אברהם צבי שור, ראב"ד בד"צ כוללות החסידים אין ירושלים.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!