קעווין מעקארטי
קעווין מעקארטי (אין ענגליש: Kevin McCarthy; געבוירן יאנואר 26, 1965) איז אַן אמעריקאנער פּאָליטיקאנט וואס איז דער 55'סטער און יעצטיגער ספּיקער פון די רעפּרעזענטאטן הויז פון די פאראייניגטע שטאטן, דינענדיג זינט יאנואר 7, 2023.[1][2][3] ער איז א מיטגליד פון דער רעפובליקאנער פארטיי, ער האט געדינט אלס הויז מינאָריטעט פירער פון 2019 ביז 2023 און אלס הויז מערהייט פירער פון 2014 ביז 2019 אונטער ספּיקערס דזשאן בעינאר און פאול רייען. מעקארטי איז אין זיין ניינטער הויז טערמין, און האט פארטרעטן קאליפארניע'ס 22'סטע קאנגרעסיאנאלע דיסטריקט פון 2007 ביז 2013, די 23'סטע דיסטריקט פון 2013 ביז 2023 און ער פארטרעט די 20'סטע דיסטריקט זינט 2023.
 | |||||||
| אפיציעלע בילד, 2023 | |||||||
| געבורט |
26 יאנואר 1965 (יארגאנג: 59) בעיקערספילד, קאליפארניע, פאראייניגטע שטאטן | ||||||
|---|---|---|---|---|---|---|---|
| פארטיי | רעפובליקאנער | ||||||
|
| |||||||
| ווייב | דזשודי מעקארטי | ||||||
|
speaker | |||||||
| |||||||
| |||||||
| |||||||
| |||||||
| אונטערשריפט | Kevin McCarthy Signature.svg | ||||||
ביאגראפיע
מעקארטי איז געבוירן אין בעיקערספיעלד, קאליפארניע. ער איז געגאנגען אין די קאליפארניע סטעיט יוניווערסיטעט אין בעיקערספיעלד, בשעת ער האט געדינט אלס פייערלעשער. מעקארטי איז געווען פארזיצער פון די קאליפארניע פליגל פון די "יונגע רעפובליקאנער" ארגאניזאציע, און די "יונגע רעפובליקאנער נאציאנאלע פעדעראציע". ער איז געווען אַ צוויי-טערמיניגער פארשטייער אין די קאליפארניע סטעיט אַסעמבלי פון 2002 ביז 2006, די לעצטע צוויי יאָר אלס מינאָריטעט פירער. ער איז ערוויילט געווארן צום קאנגרעס אין 2006. מעקארטי איז ערוויילט געווארן צום הויז פירערשאַפט אין זיין צווייטן טערמין אלס רעפובליקאנער טשיף דעפּיוטי וויפּ פון 2009 ביז 2011. ווען רעפובליקאנער האבן גענומען קאנטראל פון די הויז אין 2011, איז ער געווארן מערהייט וויפּ פון 2011 ביז אויגוסט 2014, ווען ער איז ערוויילט געווארן אלס מערהייט פירער צו איבערנעמען דעם ארויסגייענדיגן עריק קאנטאָר, וועלכער האט פארלוירן זיין הויז זיץ אין א פריימערי.[4][5]
נאכדעם וואס רעפובליקאנער האבן פארלוירן די מערהייט אין די 2018 מידטערם וואלן, און ספּיקער פּאול רייען האט רעטייערט, איז מעקארטי ערוויילט געווארן אלס מינאָריטעט פירער אין יאנואר 2019,[6] וואס האט אים געמאכט דער ערשטער רעפובליקאנער פון קאליפארניע צו האַלטן דעם פּאָסטן. מעקארטי איז געווען אַ שטארקע פאַרטיידיגער פונעם געוועזענער פּרעזידענט דאָנאַלד טראמפּ פאַר רוב פון זיין צייט אלס מערהייט פירער און מינאָריטעט פירער. נאָך דזשאָו ביידען האט געוואונען די 2020 פּרעזידענטליכע וואַלן, האט מעקארטי געשטיצט טראמפּ'ס אָפּלייקענונג פון ביידענ'ס זיג און האט אנטייל גענומען אין פרואוון צו איבערקערן די רעזולטאַטן,[7][8] און בשעת ער האט פארדאמט די יאנואר 6 איבערפאל אויפ'ן אמעריקאנער קעפיטאל גלייך דערנאך, און האט באַשולדיגט טראמפּ פאר דעם טומל זאגנדיג אז די 2020 וואלן זענען געווען לעגיטימע,[9][10] האט ער שפעטער צוריקגעצויגן פון די קאמענטארן און זיך אויסגעגליכן מיט טראמפ.
צוויי חדשים נאכדעם וואס רעפובליקאנער האבן באקומען א שמאלע הויז מערהייט אין די 2022 הויז וואלן, איז מעקארטי געווען דער רעפובליקאנער נאמינירטער פאר ספּיקער ווען דער 118'טער קאנגרעס איז פארזאמלט געווארן אין יאנואר 2023. צוליב צעטיילונג אין דער הויז רעפובליקאנער קאנפערענץ, האט ער נישט געקענט געווינען די ספּיקערשאפט ביזן 15'טן שטים צעטל, יאנואר דעם 7'טן יאנואר. עס איז געווען די ערשטע מאל וואס א ספּיקער איז נישט ערוויילט געווארן אויפן ערשטן שטימצעטל זינט 1923, און די לענגסטע וואל-שטימצעטל ספּיקער וואלן זינט 1859.[11][12]
יוגנט און ערציאונג
מעקארטי איז געבוירן געווארן אום כ"ג שבט תשכ"ה (למספרם יאנואר 26, 1965) אין די שטאט בעיקערספיעלד, קאליפארניע, צו זיין טאטן אווען מעקארטי — וועלכער איז געווען א געהילף צום הויפט פונעם שטאטישן פייער דעפארטמענט, און צו זיין מאמען ראבערטאַ דארלין. זיין טאטע'ס טאטע איז געווען א קינד פון איירישע אימיגראנטן, און זיין מאמע'ס טאטע איז אליינס געווען אן אימיגראנט פון איטאליע. מעקארטי איז שוין א פערטער דור איינוואוינער פון קערן קאונטי, קאליפארניע, און די משפחה וואוינט שוין אין בעיקערספיעלד פאר איבער הונדערט יאר. מעקארטי איז דער ערשטער רעפובליקאנער צווישן זיין נאנטע פאמיליע, זיינע עלטערן זענען געווען מיטגלידער אין די דעמאקראטישע פארטיי.
אין יאר תשמ"ד ווען ער איז געווען ניינצן יאר אלט האט ער זיך געעפנט א דעלי געשעפט וואו ער האט פארקויפט סענדוויטשעס, און צוויי יאר שפעטער ווען ער האט שוין געהאט גענוג געלט פאר קאלעדזש האט ער פארקויפט דאס געשעפט און איז געגאנגען שטודירן. ער האט שטודירט אין די קאליפארניע סטעיט יוניווערסיטעט אין בעיקערספיעלד וואו ער האט באקומען א בעטשלער'ס דעגרי פון סייענס אין מארקעטינג אין תשמ"ט און א מעסטער'ס דעגרי אין ביזנעס אדמיניסטראציע אין תשנ"ד, דורכאויס זיינע יאר אין קאלעדזש האט ער אויך געדינט אלס סעזאָנעלע פייערלעשער אין די קערן קאונטי פייער דעפארטמענט.
רעפערענצן
- ↑ Live updates: House elects McCarthy as speaker after days of defeats and concessions (en) (2023-01-06).
- ↑ Kevin McCarthy Elected House Speaker—Ending Historic Deadlock (2023-01-07).
- ↑ "Live Updates: McCarthy Wins Speakership on 15th Vote" (אויף en-US) (2023-01-06).
- ↑ "Kevin McCarthy, Steve Scalise vault into GOP leadership" (June 19, 2014).
- ↑ "GOP Rep. McCarthy elected House majority leader", Associated Press, Yahoo! News (June 19, 2014).
- ↑ Pramuk, Jacob (November 14, 2018). "Rep. Kevin McCarthy elected GOP leader in the House for next Congress.".
- ↑ Vlamis, Kelsey (November 6, 2020). "Kevin McCarthy echoed Trump's false claim that he won the election, saying Republicans 'will not back down'".
- ↑ Lemon, Jason (March 18, 2021). "Kevin McCarthy Attempts to Rewrite History With Claim He Didn't Support Overturning Biden's Win".
- ↑ Schnell, Mychael (February 9, 2022). McCarthy says Jan. 6 rioters did not engage in 'legitimate discourse' (en-US).
- ↑ Creitz, Charles (January 6, 2021). McCarthy condemns 'un-American' breach of US Capitol by pro-Trump demonstrators.
- ↑ "Kevin McCarthy elected US House Speaker after 15 rounds of voting", BBC News (January 7, 2023).
- ↑ "Vote Count: McCarthy Elected House Speaker After 15 Ballots", The New York Times (January 6, 2023).