רוי:וויני-דער-פו
| וויני-דער-פּו | |
|---|---|
| |
| ערשטער אויפטרעט | "ווען מיר זענען געווען זייער יונג" (1924) |
| שאַפערס | א. א. מילן |
| שטימע אקטיארן | סטערלינג האָלאָוויי (1966 - 1977) האַל סמיט (1983 - 1986) דזשים קאַמינגס (1988 - היינט) |
| אינפארמאציע | |
| זגאַל | בערעלע |
| פריינט | קריסטאפער ראבין טיגער חזירל קיניגל קאנגו רו איאר סאווע העפאַלומפּ |
וויני-דער-פּו (ענגליש: Winnie-the-Pooh) איז א פיקטיווער כאראקטער אין קינדער ליטעראטור, וואס איז געשאפן געווארן דעם 14טן אקטאבער 1926 דורכן בריטישער שרייבער אלאן אלעקסאנדער מילן.
פּו איז א ליבלעך בערעלע מיט גאלדע פעלץ און א רויט העמדל וואס וואוינט אינעם הונדערט אַקער וואלד מיט זיינע פריינט טיגער, חזירל, איאר, קיניגל, סאווע, קאנגו און רו און זיין בעסטער פריינד קריסטאפער ראבין, וואס האט אים ערצויגן.
אין יידיש
וויני-דער-פּו איז א יידיש-שפראך קינדער בוך באזירט אויפן בארימטן ענגלישן בוך מיטן זעלבן נאמען פון אלאן אלעקסאנדער מילן. דאס בוך איז געווארן געשאפן און ארויסגעגעבן דורך לעאנארד וואלף אין ניו יארק אינעם יאר 2000.
ס'איז שטארק באזירט אויף די ארגינעלע ערציילונגען אין די "פּו" ביכער, אבער האט פאָרט אייגענע באגריפן פין דער יידישער געשיכטע און ליטעראטור. דערפאר קען עס וואויל פאררעכנט ווערן אלס אייגענע ווערסיע און נישט בלויז אן איבערזעצונג.
כאטש וואס די שפראך איז יידיש, איז כמעט דאס גאנצע בוך געשריבן אין לאטיינישע בוכשטאבן; אויסער א שטיקל ביים אנהייב פון יעדן קאפיטל - בערך א האלבער בלאט - וואס איז געשריבן מיט לשון קודש'דישע אלף בית.
די צייכענונגען זענען די ארגינעלע פון ערנעסט ה. שעפּאַרד.
דאס בוך אנטהאלט בסך הכל 173 זייטן.
אינהאלט
פאלגנד זענען די צען קאפיטלען אינעם בוך:
- קאפיטל איינס: אין וועלכן מיר באקענען זעך מיט וויני-דער-פו און מיט עטליכע בינען, און ס'הייבן זעך אן די מעשיות.
- קאפיטל צוויי: פּו גייט צו גאסט און קימט אן צו אַן ענגער פלאץ.
- קאפיטל דריי: פו און חזירל גייען אויף א געיעג און כאפן שיער-נישט א וויזעלע.
- קאפיטל פיר: איאַ פארלירט אן עק און פּו געפינט אן עק.
- קאפיטל פינף: חזירל באגעגנט א העפאַלומפּ
- קאפיטל זעקס: איאַ האט א געבורטסטאג און באקומט צוויי מתנות.
- קאפיטל זיבן: קאַנגו און רועלע קומען אינעם וואלד, און חזירל באָדט זיך אפ.
- קאפיטל אכט: קריסטאפער ראבין פירט אַן עקספּעדיציע צום צפון-פלאָקן.
- קאפיטל ניין: חזירל איז אינגאנצן ארימגערינגלט מיט וואסער.
- קאפיטל צען: קריסטאפער ראבין מאכט לכבוד פו'ען א שמחה, און מיר געזעגענען זעך.
לידער
- ווארשעווער, ווארשעווער, ווארשעווער טאָרט
אייגנשאפטן
דרויסנדע לינקס
- א באריכט אין ניו יארק טיימס וועהגן דער אויסגאבע אויף יידיש
- https://catalog.hathitrust.org/Record/003867860
- בא גוד-ריעד'ס https://www.goodreads.com/book/show/26531556-vini-der-pu-a-yiddish-version-of-winnie-the-pooh
| וויקימעדיע פונדאציע פּראיעקטן |
|---|
 בילדער און מידיע אויף וויקימעדיע קאמאנס: וויני-דער-פו |
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!