רוי:ישיבת המתמידים
ישיבת המתמידים (אדער ווי זי הייסט היינט קהל עדת ירושלים) איז א ירושלימער חבורה וואס איז געגרינדעט געווארן דורך א בעלזער חסיד ר' יוסף אייכלער ז"ל און ר' אברהם לייב קליין ז"ל. דערנאך איז איר ראש חבורה געווען רבי לייב מינצבערג ז"ל.
די ישיבה גדולה און דער עיקר אקטיוויטעט געפינט זיך אין ירושלים,אין די גאס "מנחת יצחק". אויך האט זי נאך שולן צעשפרייט אין ירושלים, פון זיי די צוויי גרויסע שולן, איינע אין די אונגארישע הייזער און איינע אין די ווארשעווע הייזער. היינט האבן זיי אויך שולן אין די דרויסנדיקע שטעטלאך וואוּ די ירושלימער האבן זיך אריבער געצויגן, ווי בית שמש, ביתר עילית, מודיעין עילית און אויך אין טבריה.
היסטאריע
די חבורה האט זיך אנגעהויבן אומגעפער אין יאר ה'תש"ט, ווען זיי האבן אנגעפירט א "ישיבת המתמידים" פאר בחורים (אנדערש ווי דער נארמאלער שטייגער אז א "ישיבת המתמידים" איז געווען בלויז פאר קינדער), אין די "חברה" האבן זיי אנגעפירט צומאלן "נסיעות" צו קברי צדיקים, וואס האט גורם געווען זאל די ישיבה שנעל וואקסן. מיט דער צייט האבן זיי פארענדערשט דאס ציל פון די נסיעות אויך אויף פארוויילונג.
אין די יאר ה'תש"ן האבן זיי געטוישט דעם נאמען פון ישיבת המתמידים צו קהל עדת ירושלים צוליב דעם וואס דער נאמען ישיבת המתמידים איז א כלליתדיקער נאמען און עס האט פאַרשווערט די משולחים צאמנעמען געלטע פאר דער ישיבה.
דער קאָנפליקט מיט דער עדה החרדית
אינעם יאר ה'תשנ"ה האבן מתמידים באַקומען אַ שטח אין גאס 'מנחת יצחק' פון דער "ציוניסטישער" ירושלימער מוניציפאליטעט אויף צו בויען אַ שול, דאָס האָט צוגעברענקט דעם קאָנפליקט צווישן מתמידים און די עדה החרדית.
זייער אויסקוק ביי די רבנים
רבי לייב מינצבערג האט אריינגעברענגט אין די קהילה זיין אייגנארטיגע דרך הלימוד, וואס איז באזירט אויפ'ן ליטווישן סטיל צוזאמען מיט'ן מהלך פון אלטן ישוב אין ירושלים. מיט דעם, האט ער זיך פארלייגט אפצולערנען די פסוקים לויט פשוטו של מקרא און צו מסביר זיין די טעמי המצוות אז זיי זאלן זיין פארשטענדליך און ראציאנאליש.
אין יאר ה'תשס"ב האבן קנאים פון די עדה החרדית ארויסגעגעבן א קונטרס "כאבה של ירושלים", וואס דארט האבן זיי אראפ געבריינגט ציטאטן פון רבי לייב וואס ער איז לכאורה מזלזל אין חרד'ישע פרינציפן, פארשידענע רבנים און זייער מהלך אין לערנען. פארט האבן א חלק פון די רבנים פון די עדה החרדית אנגעהאלטן א קשר מיט די קהילה און מיט רבי לייב אליין.
אקטיוויטעטן
וועבלינקען
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!