משלוח מנות

משלוח מנות (אין אידיש: "שיקן פארציעס") איז איינע פון ​​די מצוות פונעם יום טוב פורים. די מצוה איז אז יעדער זאל שיקן כאטש צוויי פארציעס עסנווארג, פאר כאטש איין מענטש. דער ציל פון דער מצוה איז צו פארמערן פרידן און חסד צווישן אידן, ווי אויך צו פארזיכערן אז די ארעמעלייט האבן עסן פאר דער פורים סעודה.

משלוחי מנות

קינדער טראגן משלוח מנות

אן פארשטעלט'ן יונגל גייענדיג איבערגעבן משלוח מנות

מקור פון דער מצווה

אין מגילת אסתר, רעדנדיג וועגן די פרייד פייערונגען וואָס זענען באשטימט געווארן נאכן געראטעוועט ווערן פון המן'ס גזירות, שטייט געשריבן:

עַל כֵּן הַיְּהוּדִים הַפְּרָזִים הַיֹּשְׁבִים בְּעָרֵי הַפְּרָזוֹת, עֹשִׂים אֵת יוֹם אַרְבָּעָה עָשָׂר לְחֹדֶשׁ אֲדָר שִׂמְחָה וּמִשְׁתֶּה וְיוֹם טוֹב וּמִשְׁלֹחַ מָנוֹת אִישׁ לְרֵעֵהוּ. וַיִּכְתֹּב מָרְדֳּכַי אֶת הַדְּבָרִים הָאֵלֶּה, וַיִּשְׁלַח סְפָרִים אֶל כָּל הַיְּהוּדִים אֲשֶׁר בְּכָל מְדִינוֹת הַמֶּלֶךְ אֲחַשְׁוֵרוֹשׁ הַקְּרוֹבִים וְהָרְחוֹקִים; לְקַיֵּם עֲלֵיהֶם לִהְיוֹת עֹשִׂים אֵת יוֹם אַרְבָּעָה עָשָׂר לְחֹדֶשׁ אֲדָר וְאֵת יוֹם חֲמִשָּׁה עָשָׂר בּוֹ בְּכָל שָׁנָה וְשָׁנָה, כַּיָּמִים אֲשֶׁר נָחוּ בָהֶם הַיְּהוּדִים מֵאֹיְבֵיהֶם, וְהַחֹדֶשׁ אֲשֶׁר נֶהְפַּךְ לָהֶם מִיָּגוֹן לְשִׂמְחָה וּמֵאֵבֶל לְיוֹם טוֹב; לַעֲשׂוֹת אוֹתָם יְמֵי מִשְׁתֶּה וְשִׂמְחָה, וּמִשְׁלֹחַ מָנוֹת אִישׁ לְרֵעֵהוּ וּמַתָּנוֹת לָאֶבְיֹנִים.

— אסתר ט, יט–כב

אירע הלכות

משלוחי מנות וואס זענען געלייגט געווארן פארנט פון אן פארמאכטן טיר

חז"ל האבן ארויסגעלערנט, אז די וייניגסטע וואס ממוז, איז צו שיקן צוויי פרציעס פאר איין מענטש, פון דאס וואס ס'שטייט אין פסוק "משלוח מנות" (וואס קלינגט אפ כאטש צוויי) "איש לרעהו" (וואס קלינגט אפ איינער).

די הלכה איז אז ס'דארף צו זיין צוויי באזונדערע עסנווארג, טראץ דעם וואס רבנים אין אללע דורות האבן זיך פון מאהל צו מאהל געפירט שיקן ספרי חידושים אויף משלוח מנות, אבער אין הלכה איז ג'פסק'נט אז וועש, ספרים און אזוי אויך געלט צו קויפן דערמיט עסנווארג, ווערן נישט גערעכנט פאר 'מנות'. איבער טרינקען זענען די פוסקים אנטיילט מיט זייער מיינונגען. די מצוה פון משלוח מנות מוז מען אויספירן אין יעדן פאל, דערצו, אויב האט ער נישט גענוג עסנווארג אוועקצוגעבן פאר דעם, זאהל ער פארטוישן זיין עסנווארג פון די סעודה, מיטן פרענד'ס.

די מיינונג פון א מערהייט פוסקים איז אז אויך פרויען זענען אנגעוויזן אין די מצוה, אנמערקנדיג אז א מאן זאהל נישט שיקן פאר קיין פרוי, אזוי אז ס'זאהל נישט צוקומען צו א פראגע פון א ספק קידושין דורכ'ן שיקן א ווערדפולע חפץ. נאך איז דא וואס שרייבן אז די מצוה דארף אויסגעפירט ווערן דורכ'ן שיקן מיט א שליח (און נישט איבערגעבן אליינס), אזווי אין פסוק שטייט 'ומשלוח מנות איש לרעהו'. די מצוה דארף געטוהן ווערן דייטליך בייטאג פון פורים, יעדער איינער לויט ווי ער געפינט זיך, צו איז דאס ביי מערערע צאהל ארטן אין י"ד אדר, אדער ביי שטעט וואס זענען אין די קאטעגאריע פון עיירות המוקפות חומה מימות יהושע בן נון אין טאג ט"ו אדר-שושן פורים.

דער רמב"ם שרייבט אז: "כל המרבה לשלוח לרעים הרי זה משובח" (
פאראמעטער פעלערן אין מוסטער:רמב"ם
פאראמעטער [ ללא ] ערשיינען נישט אין מוסטער דעפיניציע
פארלאנגטע פאראמעטער [ 1 ] פעלן משנה תורה לרמב"ם, הלכות חמץ ומצה, פרק מגילה וחנוכ"ה, הלכות ב'–ט"ו), דאך האלט ער אז די מער געשעצטע מצוה איז מתנות לאביונים: ”מוטב לאדם להרבות במתנות לאביונים מלהרבות בסעודתו או בשלוח לרעיו, שאין שם שמחה גדולה ומפוארה אלא לשמח לב עניים ויתומים ואלמנות וגרים” (
פאראמעטער פעלערן אין מוסטער:רמב"ם
פארלאנגטע פאראמעטער [ 1 ] פעלן משנה תורה לרמב"ם, הלכות חמץ ומצה, פרק מגילה וחנוכ"ה, הלכות ב'–י"ז).

טעמים פון די מצווה

ס'איז דא וואס זאגן אז די טעם איז צו פארמערן פרענדשאפט צווישן די אידישע קינדער, און ס'איז דא וואס זאגן אז די טעם איז צו העלפן פאר די ארעמעלייט וואס שעמען זיך צו בעטן פאר זיך צדקה, אז אויך זיי זאלן קענען עסן די סעודת פורים ווי אללע אנדערע.

משלוח מנות אין אנדערע הינזיכטן

די טעמע פון 'משלוח מנות' ווערט אזוי אויך דערמאניט נאין אנדערעהינזיכטן, ווי צום ביישפיל די אידן וואס זענען אין שיבת ציון פראגראם ארויף קיין ארץ ישראל פון בבלוואס פלעגן פייער'ן דעם ראש השנה דורכ'ן שיקן "מנות לאין נכון לו", ד.ה. פאר אזעלכע וואס זייער פארמעג האט נישט באטראפן אויף צושטעלן דעם יום טוב סעודה:

ויאמר להם: לכו אכלו משמנים ושתו ממתקים ושִלחו מנות לאין נכון לו כי קדוש היום לאדונינו... וילכו כל העם לאכול ולשתות ולשלח מנות ולעשות שמחה גדולה כי הבינו בדברים אשר הודיעו להם

— נחמיה ח, י–יב

אבער דער משלוח מנות איז היבש אנדערשער, וייל דאס איז געוואנדן צו "לאין נכון לו" אז ער זאהל האבן, נישט ווי די פורימ'דיגער משלוח מנות וואס איז "איש לרעהו" צו פאר מערערן די פרעדשאפט, און אין דעם איז צופעליג פארהאן אן ענדליכקייט צו אן אנדערן מצוה פון פורים, דאס איז מתנות לאביונים. אבער לויט דעם אויבנדערמאנטן טעם אז די משלוח מנות פורים איז אויך צו פארזיכערן די באדערפענישן פון סעודת פורים פאר די וואס קענען זיך נישט ערלויבן צו קויפן, קען זיין א קאנטאקט צווישן די צויי סארטן משלוח מנות.

זעט אויך

• מקרא מגילה
• מתנות לאביונים
• סעודת פורים

לייענט מער

• יהודה סארעבניק, "מצות משלוח מנות וטעמיה", אין: משה גנץ, אורי דסברג (עורכים), כי שרית: קובץ מאמרים לימי הפורים לזכרו של מנחם ישראל גנץ, צוייטן פארראכטענעם דרוק, שעלבים: משפחת גנץ, תשמ"ט, עמ' 163–168.
• מאיר ראפעלד, "משלוח מנות בפורים: גלגולי נוסח ונוהגים", אין: דניאל שפרבר, מנהגי ישראל: מקורות ותולדות, זעקס'טן באנד, ירושלים: מוסד הרב קוק, תשנ"ח, עמ' רכז–רמא; איבערגעדרוקט אין: מאיר ראפעלד, נתיבי מאיר: אסופת מאמרים, מרכז שפירא: דער [מו"ל], תשע"ג, עמ' 210–224.
• הרב ישראל דאנדראביטש, "בשר לא מבושל - האם קרוי מנה (על המשמעות המילולית של מנה בלשון המקרא ובלשון חכמים)", אין: אור ישראל, גיליון עא, תשרי תשע"ו, עמודים: קעח-קפח.

אנידרויסנדיגע צוגאבן

• 
  פאראמעטער פעלערן אין מוסטער:היברובוקס
  פאראמעטער [ עמוד ] ערשיינען נישט אין מוסטער דעפיניציע משלוח מנות, בתוך: יום-טוב לוינסקי (עורך), ספר המועדים, זעקס'טן באנד: פורים, ל"ג בעמר, חמשה עשר באב, תל אביב: אגודת עונג שבת דורך דביר, תשט"ו, עמ' 137–151
• מוסטער:אתר ישיבה
• קיצור שולחן ערוך, סימן קמב
• חגי דביר, משלוח מנות און מתנות לאביונים און וואס איז ענדערש צווישן זיי
• הרב מרדכי אליהו, אויף וואס ארויף האט מען פארגעזעצט די מצוות פון משלוח מנות און מתנות לאביונים, באתר הרב מרדכי אליהו
• הרב אליעזר מלמד - הלכות פורים פון פניני הלכה

רעפערענצן

קלארשטעלונג: די אינפארמאציע אויף המכלול איז בלויז פאר בארייכערונג און זאל נישט געזען ווערן ווי א פסק הלכה.

טיילן פון דער ארטיקל זענען מעגליך איבערגעזעצט פון העברעאישער וויקיפעדיע
cc-by-sa 3.0 ערלויבעניש • אריגינעלער בלאט • ביישטייערער

26189337משלוח מנות