המכלול:אויפפירונג צווישן די מכלולאים
פארשריפטן פאר די מכלולאים וויאזוי זיך אומצוגיין צווישן זיך:
- מען טאר זיך נישט אויסדרוקן אויף אן אומפאסיגע וועג כלפי א צווייטער.
- מען טאר נישט שפאטן פון די ארבעט וואס ווערט אריינגעלייגט דורך אנדערע אין המכלול. מען מעג געבן קאנסטרוקטיווע קריטיק, אבער אן ניצן טשעפנעדע ווערטער.
- מען דארף היטן אויף א גוטע גיסטע, און האלטן פריינטליכע און רעספעקטפולע באציאונגען צווישן די מכלולאים.
- רעדאקטער ווערן אפגעמאסטן בלויז לויט זייערע ביישטיירונגען. אויך ווען א דעבאטע צעפייערט זיך טאר מען נישט אטאקירן אנדערע מכלולאים צוליב זייער יארגאנג, קרייז, דעות אדער יעדער אנדערע פרעזענליכע אייגנשאפט.
- מען שארף זיין אנשטענדיג, יושר'דיג און ארנטליך.
- איידער א יסודיות'דיגע טויש אין אן ארטיקל, איז ראטזאם דיך דורך צו רעדן מיט די עיקר שרייבער דערפון, אדער לכל הפחות אים מודיע זיין איבערן טויש.
- מען טאר נישט מפרסם זיין פרענליכע דעטאלן איבער אנדערע באניצער קעגן זייער ווילן ("גילוי"). דאס רעכנט נישט אריין דערקענען שטרוי-מענשטן וואס זענען געשאפן געווארן כדי צו נייגן אן אפשטימונג.
א הארבע פארלעצונג פון די פארשריפטן דורך א באניצער וועט ברענגן א ווארענוג, און ווייטערדיגע פארלעצונגען נאכן ווארענען קענען פירן צו אן אויסשליסונג.