רוי:פרשת מטות

מטות איז די ניינטע סדרה אין ספר במדבר. די סדרה הייבט אן קאפיטל ל' פסוק ב' און ענדיגט קאפיטל ל"ב פסוק מ"ב.

בדרך כלל ליינט מען פרשת מטות צוזאמען מיט דער נעקסטער פרשה, מסעי. נאר זעלטן זענען די צוויי סדרות באזונדער, אין אן עיבור יאר, ווען ראש השנה געפאלט דאנערשטאג, ד"ה א יאר מיטן קביעות השג אדער החא. אויך אין ארץ ישראל, ווען פסח געפאלט שבת, ד"ה א יאר מיטן קביעות בשז אדער גכז. אזוי וועט אויסקומען אז מען ליינט פרשת דברים דעם שבת פאר תשעה באב.

טעמעס אין דער סדרה

• פרשת נדרים: די הלכות פון מאכן און מתיר זיין א נדר.
• מלחמת מדין: פינחס פירט די אידן אין א קאמף. די דינים פון כשר'ן און טובלן כלים ווערן געברענגט דא.
• די שבטים פון גד און ראובן בעטן זייער ארבטייל אין עבר הירדן. משה רבנו הייסט זיי באטיילן מיט די אנדערע שבטים איינצונעמען ארץ ישראל פון די כנענים איידער זיי באזעצן זיך אין עבר הירדן, אויך העלפט פון שבט מנשה קריגט א טייל פון עבר הירדן.

הפטורה

ווען מטות גייט באזונדער ליינט מען די ערשטע הפטורה פון די תלת דפורענותא, די הפטורות פון די דריי וואכן, ירמיה פון אנהייב ביז קאפיטל ב' פסוק ג'.

ווען מטות גייט צוזאמען מיט מסעי ליינט מען די הפטורה פון מסעי.

רעפערענצן

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!