רוי:נעסטער
| קוואל | קארפאטישע בערג |
|---|---|
| הייך פון קוואל | 1,000 מעטער |
דער נעסטער (אוקראיניש: Дністер דניסטער; רומעניש: Nistru ניסטרו) איז א טייך אין מזרח אייראפע.
געאגראפיע
דער נעסטער קומט ארויס אין אוקראינע, לעבן דראהביטש נאענט צום פוילישן גרעניץ, און פליסט אין דער ריכטונג צום שווארצן ים. א שטיק וועג איז ער דער גרעניץ צווישן אוקראינע און מאלדאווע, נאך דעם פליסט ער דורך מאלדאווע 398 ק"מ און צעשיידט איר הויפט טעריטאריע פון טראנסניסטריע. שפעטער ווערט ער נאך א טייל פונעם מאלדאווע-אוקראינע גרעניץ, און דערנאך פליסט ער דורך אוקראינע צום שווארצן ים.
דער נעסטער איז וויכטיג פאר טראנספארטאציע און מסחר. צוויי מאל א יאר פלייצט ער איבער זיינע ברעגן - אנהייב מערץ, ווען די שניי און אייז ווערט געשמאלצן, און נאכאמאל אין מיי ווען די שניי צעגייט אין די קארפאטישע בערג, דער קוואל פונעם נעסטער.
די הויפט בייטייכן זענען די טייכן סטרי, רעוועט, זברוטש און סערעט.
שטעט אויפן נעסטער
- כאטין-אוקראינע
- מאגילעוו פאדאלסקי-אוקראינע
- יאמפאל-אוקראינע
- סאראקא-מאלדאווע
- ריבניץ-מאלדאווע
- טיגינע-מאלדאווע
- טיראספאל-מאלדאווע
- אקערמאן -אוקראינע
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!