רוי:איתן קאבל
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "איתן קאבל".
|
|
איתן קאַבל (העברעאיש: איתן כבל; געבוירן דעם 23סטן אויגוסט 1959, י"ט אב ה'תשי"ט) איז א מדינת ישראל'דיגער פאליטיקער וואס האט פארטרעטן די ארבעטס-פארטיי אינעם כנסת.
ביאגראפיע
קאַבל איז געבוירן געווארן אין ראש העין. א שטיק צייט האט ער געלערנט ביי רבי ישכר מאיר אין ישיבת הנגב. נאך זיין צה"ל דינסט האט ער געלערנט אינעם העברעאישן אוניווערסיטעט פון ירושלים, און איז געווען דער פרעזידענט פונעם סטודענטן פארבאנד.
פאליטישע קאריערע
נאך זיין גראדואירן האט ער געדינט אלס אן אסיסטענט צום לאנדווירטשאפט מיניסטער אברהם כ"ץ-עוז, צו שמעון פרס און בנימין בן-אליעזר.
ער איז ערשט געוויילט געווארן צום כנסת אין 1996. ער איז געווען פארזיצער פון דער אונטער-קאמיסיע פאר דער בערזע און די קאמיסיע פאר עקאנאמישע אינטערעסן. היינט איז ער א מיטגליד פון דער הויז קאמיסיע און די פרעמדע אינטערעסן און פארטיידיקונגס קאמיסיע.
אין 2007 האט ער רעזיגנירט פון זיין שטאנד אלס מיניסטער אָן פארטאפעל און געבעטן פון אהוד אלמערט צו רעזיגנירן אויך. ער האט געזאגט "נישט מער קען איך זיצן אין א רעגירונג געפירט דורך אהוד אלמערט". ער האט רעזיגנירט נאך אז די ווינאגראד קאמיסיע האט פובליצירט א באריכט וואס האט אנגעקלאגט אלמערט און אנדערע מיטגלידער פון דער ישראל־רעגירונג פאר די פעלערס אין דער צווייטער לבנונישער מלחמה.
קאַבל איז צוריקגעקומען אין די 2009 וואלן און איז געשטעלט געווארן זיבעטער אין דער ליסטע פון דער פארטיי. אין יענער צייט האט ער אנגעהויבן א געזעץ וואס האט באגרענעצט ווארטן אין טעלעפאן צענטערס.
משפחה
ער האט געהייראט זיין ווייב נועה און זיי האבן פיר טעכטער, שחר, שירה, טל, מאיה. ער וואוינט אין זיין געבורט שטאט ראש העין. ער איז באקאנט אלס א מכבי תל אביב אנהענגער אין פוסבאל און קוישבאל.
וועבלינקען
| וויקימעדיע פונדאציע פּראיעקטן |
|---|
 בילדער און מידיע אויף וויקימעדיע קאמאנס: איתן קאבל |
- איתן קאַבל ביים כנסת וועבזייטל (העברעאיש)
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!