רבי חיים ראבינאוויטש
 | |
| געבורט | ירושלים |
|---|---|
| השתייכות | העדה החרדית |
| תחומי עיסוק | אדמו"ר פון חסידות משכנות הרועים |
| טאטע | רבי בנימין ראבינאוויטש |
| קינדער | רבי שאול יצחק ראבינאוויטש |
רבי רפאל חיים יחיאל ראבינאוויטש (געבוירן י"ח אב ה'תרצ"ח) איז דער היינטיגער רבי און מנהיג פון קהל משכנות הרועים, פון דו פירנדע אדמו"רים פון קהילות היישוב הישן און העדה החרדית.
ביאגראפיע
רבי חיים איז געבוירן ביום י"ח אב ה'תרצ"ח אין ירושלים אלס דער עלטסטער זון פון רבי בנימין ראבינאוויטש, דיין אין די בית דין פון העדה החרדית און מייסד פון קהל משכנות הרועים, און צו זיין מוטער רוחמה ליבא. אלס יונגל האט ער זיך מסתופף געווען ביי רבי שלמקע זוועהילער. אלס בחור האט ער באקומען סמיכה פון רבי דוב בעריש וויידנפעלד - דער טשעבינער רב, און פון רבי יהושע מנחם עהרנבערג. אין זיין יוגענט האט ער זיך מדבק געווען צו צדיקי הדור, צווישן זיי: רבי ישראל פרידמאן פון באיאן-לייפציג; רבי מרדכי שלמה פרידמאן פון באיאן; רבי אברהם יהושע העשיל טווערסקי פון מאכניווקא; רבי ישראל פרידמאן פון הוסיאטין; רבי יצחק פרידמאן פון באהוש און רבי מרדכי שלום יוסף פרידמאן פון סאדיגורא.
ער האט חתונה געהאט מיט די רעבעצ'ן טאכטער פון רבי אפרים פישל גרובער ראש ישיבת שומרי אמונים, תלמיד פון רבי מנחם בראדי דער קאלובער רב בעל באר מנחם.
איידערן אופגענומען ווערן אלס רבי האט ער געדונט אלס א מרביץ תורה און ישיבת מאור עינים, אלס א משפיע רוחני אין באיאן און אלס ראש חבורה פאר באבובער חסידים אין ירושלים.
ער האט געשריבן א חיבור מיטן נאמען "ומשפטיו לישראל" אויף די ארבקייט פון גיין צו ערכאות, ער האט באקומען אויף דעם א הסכמה פון חברי הבד"ץ העדה החרדית און פון נאך רבנים.
הנהגה
נאך זיין טאטענס הסתלקות, אין טאג א' שבט ה'תשס"ב איז ער אופגענומען געווארן אלס ממלא מקומו. ער האט אופגעשטעלט במשך די יארן שטיבלעך אין בית שמש און אין ניו יארק.
דער רבי איז ברייט באקאנט מיט זיין קעגענשטעלונג קעגן גזירות הדת פון די מדינת ישראל רעגירונג, צווישן זיי די אריבערגאנג פון די לייכטע באן אויף די בר-אילן גאס אין ירושלים[1], חיטוטי שכבי, חילולי שבת און גזירת גיוס בנים ובנות. בפרט נאכ'ן הסתלקות פון רבי יצחק טוביה ווייס, דער ירושלימער רב, איז דער רבי פארעכנט אלס איינע פון די פירענדע מנהיגים אינערהאלב די קהילות החונים תחת דגל העדה החרדית.
משפחתו
זיין יונגערע ברודער איז דער פאריסובער רבי, רבי עקיבא ראבינאוויטש.
זיינע זין
- רבי שאול יצחק (נפטר געווארען כ"ה כסלו תשע"ט), באקאנט אלס איינע פון די גרעסטע לוחמים קעגן פגעי הטעכנעלאגיע, ער האט געדונט אלס א מגיד מישרים און רב פון קהל משכנות הרועים אין קרית יואל[2].
- רבי עקיבא יוסף, ר"מ בישיבת תורת משה ד'סאטמאר אין מאנטרעאל.
- רבי דוד צבי, איידעם פון רבי אהרן צבי רומפלער אדמו"ר פון תהילות ישראל.
- רבי אריה מרדכי, איידעם פון רבי מאיר אברהם אביש הורוויץ אדמו"ר מבית יצחק ד'ספינקא
- זיינע איידימער
- רבי יוסף קאהן, זון פון רבי משה קאהן ראש ישיבת תולדות אהרן.
- רבי ברוך יהודה וואגשאהל, פון מלאנצהוט בית שמש.
- רבי חיים יעקב סאפרין, קאמארנער רבי אויף די מלכי ישראל גאס אין ירושלים, אייניקל פון רבי חיים יעקב.
קישורים חיצוניים
רעפערענצן
- ↑ צייטונג העדה, פרשת אחרי תשפ"ד
- ↑ בד"ה: הרה"צ ר' שאול יצחק ראבינאוויטש זצ"ל באתר אידישע וועלט פארומס