רוי:גראדעק

אין געאמעטריע איז א גראָדעק אדער רעקטאַנגל א פירעק מיט אלע ווינקלען גראדווינקלען (גלייכווינקלען).

יעדער גראדעק איז א פאראלעלאגראם, מיט אלע ווינקלען גראדווינקלען. די שכנותדיקע זייטן פון א גראדעק זענען געוויינלעך נישט גלייך מיט אנאנד. א גראדעק מיט אלע פיר זייטן גלייך רופט מען א קוואדראט.

אין א גראדעק זענע די צוויי אַלכסונס (דיאגאנאלן) גלייך און זיי האלבירן זיך איינס אנאנד.

די לענגערע פון די זייטן פון א גראדעק ווערט גערופן זיין "לענג", און די קירצערע זיין "ברייט".

אז די זייטן פון א גראדעק זענען לאנג $\ a$ און $\ b$, דעמאלסט:

• דער פערימעטער פונעם גראדעק איז גלייך צו: $\ P=(2a+2b)$
• דער שטח פונעם גראדעק איז גלייך צו: $\ A=a\cdot b$.
• די לענג פונעם אלכסון פונעם גראדעק רעכנט מען מיטן פיטאגאראס פרינציפ: ${\sqrt {a^{2}+b^{2}}}$.