פרשת וזאת הברכה
| |||||
| פסוקים | דברים לג, א - לד, יב | ||||
|---|---|---|---|---|---|
| צאל פסוקים | 41 | ||||
| צאל ווערטער | 512 | ||||
| אינהאלט | ברכת משה, פטירת משה | ||||
| |||||
| הפטורה | |||||
| אשכנזים און איטאליענער | יהושע א, א–יח | ||||
| ספרדים | יהושע א, א–ט | ||||
| תימנים | יהושע א, א–ט, און יהושע ו, כז | ||||
.jpg)
פרשת וְזֹאת הַבְּרָכָה איז די עלפטע און לעצטע פרשה פון ספר דברים, און די לעצטע פרשה פון די תורה בכלל. די פרשה גייט פון ספר דברים, קאַפּיטל ל"ג, פסוק א', ביז סוף ספר, קאַפּיטל ל"ד, פסוק י"בלויטן אנגענומענעם צעטיילונג פון קאפיטלען. נאך ווען מען ענדיקט ליינען די פרשה ביי קריאת התורה זאגן די אשכנזים "חזק חזק ונתחזק" אויפן ענדיגן ספר דברים.
אין די פרשה בענטשט משה די אידן איידער זיין פטירה, ”וְזֹאת הַבְּרָכָה אֲשֶׁר בֵּרַךְ מֹשֶׁה אִישׁ הָאֱלֹקים אֶת בְּנֵי יִשְׂרָאֵל לִפְנֵי מוֹתוֹ”, און דאן ווערט געשילדערט זיין פטירה.
אנדערש ווי אלע פרשיות, וואס ווערן געליינט שבת, ליינט מען וזאת הברכה שמחת תורה ווען מען צייכנט אפ דאס ענדיגן ליינען די גאנצע תורה דורכ'ן יאר, לויט'ן בבלישער מנהג צו ענדיגן יעדע יאר די גאנצע תורה. מען פירט זיך אז יעדער איז עולה צו די פרשה, און מען ליינט איבער די פרשה וויפיל מאל עס פעלט אויס אז יעדער זאל האבן א געלעגנהייט עולה צו זיין. דער וואס האט די לעצטע עליה אין די פרשה ווערט אנגערופן חתן תורה, און דאן רופט מען אויף דער חתן בראשית וואס באקומט די ערשטע עליה אין פרשת בראשית.
פרשה אינהאלט
ברכת משה
די ערשטע טייל פון פרשה (פרק ל"ג) שטעלט פאר ווי משה ווינטשט אן די אידן פארן שטארבן. נאך א כללישע ברכה ווינטשטער פאר יעדע שבט עקסטער, חוץ פון שבט שמעון. רוב ברכה איז א פארשטעל פון די סארט שבט און זייער נחלה.
פטירת משה
די צוויטע חלק פון פרשה (פרק ל"ד) שטעלט פאר ווי משה גייט ארויף אויף הר נבו און באקוקט גאנץ ארץ ישראל, דער נאך ווי ער שטארבט און ווערט באגראבן. כלל ישראל זענען זיך מתאבל אויף זיין פטירה און נעמען אן פאר יהושע בן נון אויף א מנהיג. די תורה ענדיקט זיך מיט פארשטעלן די גדולה פון משה, און זיין גרוסקייט מער פון אנדערע נביאים.
עס איז דא וואס זאגן[1] אז די לעצטע פסוקים האט נישט משה געשריבן נאר יהושע. אנדערע זאגן אז משה האט דאס געשריבן מיט טרערן פון דער אויבערשטערס מויל. לויט די ערשטע שיטה מעגן אויך קינדער ווינציגער פון גיל בר מצווה באקומען אן עלייה לתורה ביי די פסוקים.
הפטורה
די הפטורה, וואס עס איז די הפטורה פון שמחת תורה, איז די ערשטע פרק פון ספר יהושע, וואס שטעלט פאר וואס עס איז פארגעקומען נאך די פטירה פון משה.
רעפערענצן
| פרשיות | ||
|---|---|---|
| ספר בראשית | בראשית • נח • לך לך • וירא • חיי שרה • תולדות • ויצא • וישלח • וישב • מקץ • ויגש • ויחי |  |
| ספר שמות | שמות • וארא • בא • בשלח • יתרו • משפטים • תרומה • תצוה • כי תשא • ויקהל • פקודי | |
| ספר ויקרא | ויקרא • צו • שמיני • תזריע • מצורע • אחרי • קדושים • אמור • בהר • בחוקותי | |
| ספר במדבר | במדבר • נשא • בהעלותך • שלח • קרח • חקת • בלק • פינחס • מטות • מסעי | |
| ספר דברים | דברים • ואתחנן • עקב • ראה • שופטים • כי תצא • כי תבוא • נצבים • וילך • האזינו • וזאת הברכה | |
קאַטעגאָריע:פרשת וזאת הברכה קאַטעגאָריע:פרשיות ספר דברים קאַטעגאָריע:שמחת תורה