נחשון בן עמינדב

נַחְשׁוֹן בֶּן עַמִּינָדָב איז געווען דער נשיא פון שבט יהודה. ער איז דער פאטער פון שלמון, און דער ברודער פון אלישבע בת עמינדב (וואס איז געווען חתונה געהאט צו אהרן הכהן), און דער זיידע פון ​​בעז, מאַן פון רות המואביה, וואס פון זיינע קינדער איז אַרויסגעקומען דוד המלך. ביי יציאת מצרים איז ער געווען דער ערשטער אריינצושפּרינגען אין ים סוף איידער דער ים האט זיך צושפאלטן אויף צוויי, און האט דערמיט באוויזן זיין אמונה אין גאט, און דערמיט געווארן א סימבאל פון אריגינאליטעט און פיאנערשאפט.

ביאגראפיע

זיין טאטע איז געווען עמינדב, פון שבט יהודה.

ביי די תקופה אין מדבר האָט נחשון געדינט אַלס נשיא פון שבט יהודה, און איז געווען דער ערשטער פון די נשיאים וואָס האָט מקריב געווען די קרבנות הנשיאים, ביי די טאג פון חנוכת המשכן, א ניסן פון דעם צווייטן יאָר צו יציאת מצרים. (ב' תמ"ט).

קינדער

זיינע זינען זענען געווען שלמון, אלימלך, פלוני אלמוני, און די טאטע פון נעמי. פון שלמון'ס קינדער איז ארויס דוד המלך און נאך אים די גאנצע שושלת המלוכה.

אין סוף מגילת רות איז באשריבן די סדר היחס פון נחשון ביז דוד המלך, ווי פאלגנד:

וְאֵלֶּה תּוֹלְדוֹת פָּרֶץ, פֶּרֶץ הוֹלִיד אֶת חֶצְרוֹן. וְחֶצְרוֹן הוֹלִיד אֶת רָם, וְרָם הוֹלִיד אֶת עַמִּינָדָב. וְעַמִּינָדָב הוֹלִיד אֶת נַחְשׁוֹן, וְנַחְשׁוֹן הוֹלִיד אֶת שַׂלְמָה. וְשַׂלְמוֹן הוֹלִיד אֶת בֹּעַז, וּבֹעַז הוֹלִיד אֶת עוֹבֵד. וְעֹבֵד הוֹלִיד אֶת יִשָׁי, וְיִשַׁי הוֹלִיד אֶת דָּוִד.

זײן כאראקטער

נחשון ווערט דערמאנט צום ערשטן מאל אין דער תורה ווען אהרן הכהן האט געהייראט אלישבע "וַיִּקַּח אַהֲרֹן אֶת אֱלִישֶׁבַע בַּת עַמִּינָדָב אֲחוֹת נַחְשׁוֹן לוֹ לְאִשָּׁה" (
פאראמעטער פעלערן אין מוסטער:תנ"ך
פאראמעטער [ קצר ] ערשיינען נישט אין מוסטער דעפיניציע שמות ו, כג).

אין די אידישע השקפה סימבאליזירט נחשון די נאטירליכע אנשטרענגונג וואס דער מענטש מוז מאכן, אלס א וועג צו באקומען הילף פון גאט, אנשטאט צו זיצן מיט פארלייגטע הענט און ווארטן אויף א נס, אזויווי נחשון בן עמינדב איז אריינגעשפרינגען אין ים סוף אפילו פאר דער ים האט זיך צעשפאלטן, און ערשט נאכדעם וואס ער האט דערגרייכט א טיפעניש וואו דאס וואסער האט אים דערגרייכט ביזן האלדז, האט זיך דער ים צעשפאלטן אויף צוויי, און די אידן זענען דורכגעגאנגען.

מיט די דורות איז נחשון געוואָרן אַ סימבאָל וואָס רעפּרעזענטירט אָריגינעלקייט און מוט.

זיין שכר

ווי אויבנדערמאנט האט ער אריננגעשפרינגען דער ערשטער אין ים סוף, וואס מיט דעם האט ער זיך פארדינט אפאר זאכן ווי פאלגנד:

• זיין נאמען-נחשון, איז אויף דעם וואס ער האט דער ערשטער אריינגעשפרינגען אין די 'נחשולי הים'.
• די מלוכה איז געקומען צו שבט יהודה.
• ס'זענען ארויס פון אים: דוד המלך, מלך המשיח, דניאל, חנניה, מישאל און עזריהמוסטער:מדרש רבה במדבר יא..
• טראץ דעם ואס שבט יהודה איז נישט געווען די בכור פון די שבטים, האט נחשון בן עמינדב - די נשיא פון שבט יהודה - מקריב געווען דער ערשטער די קרבן ביי די קרבנות הנשיאים, און ס'איז דא וואס זאגן אז ס'איז אויך אלס שכר אויף דעם מסירות נפש.
• משה רבנו האט אים ערוועלט צו זיין איינער פון די שבעים זקניםמוסטער:ילקוט שמעוני במדבר, תשלו..

אין מדרש

די מעשה פון נחשון ביי קריעת ים סוף ווערט געברענגט אין גמרא אין מסכת סוטה:

היה רבי מאיר אומר, כשעמדו ישראל על הים, היו שבטים מנצחים זה עם זה. זה אומר: אני יורד תחילה לים וזה אומר: אני יורד תחילה לים. מתוך שהיו עומדים וצווחים - קפץ שבטו של בנימין וירד לים תחילה. אמר לו רבי יהודה: לא כך היה מעשה, אלא זה אומר אין אני יורד תחילה לים וזה אומר אין אני יורד תחילה לים. מתוך שהיו עומדין ונוטלין עצה אלו באלו קפץ נחשון בן עמינדב וירד לים תחילה"

— סוטה לו, ב

.

דרויסנדע לינקס

• "נַחְשׁוֹן", יהודה דוד אייזנשטיין (רעדאקטאר), אוצר ישראל, ניו יארק: פרדס, תשי"ב, חלק ז, עמוד 62, אויף היברובוקס
• נחשון בן עמינדב, אין אנציקלופדיה יהודית "דעת"
• בית חב"ד

רעפערענצן

קטגוריה:נשיאי שבטי ישראל [[{{{1}}}|ו{{{1}}}]]