רוי:רבי יוסף דוד זינצהיים
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "רבי יוסף דוד זינצהיים".
| געבורט |
ה'תצ"ה אדער ה'תק"ה טריער |
|---|---|
| טויט | ז' כסלו ה'תקע"ג |
| טעטיקייט ארט | בישהיים, שטראסבורג |
| באשעפטיגונג | פירוש אויף תלמוד בבלי |
| אמטן | שטראסבורגער רב, הויפט פון דעם פאריזער סנהדרין |
| זיינע רביס | הרב יצחק זינצהיים |
| חיבורים | יד דוד |
הרב יוסף דוד זינצהיים (פראנצויזיש: David Sintzheim ה'תק"ה, 1745[1] - ז' כסלו ה'תקע"ג, 11טן נאוועמבער 1812[2] ער איז געווען דער ערשטער הויפט־רב פון פראנקרייך אין דעם קאנסיסטואר, א נייער אנטשטאלט אויפגעשטעלט דורך נאפאלעאן אין 1808 כדי צו ארגאניזירן די טעטיקייטן פון דער יידישער רעליגיע אין פראנקרייך. ער ווערט גערופן דער "יד דוד" אויפן נאמןע פון זיין ספר.
לעבנסגעשיכטע
ער איז געבוירן געווארן אין טריער (היינט אין ריינלאנד-פאלץ, דייטשלאנד), צום שטאט'ס רב, הרב יצחק איציק זינצהיים, ביי וועמען ער האט געלערנט. אין 1762 האט זיין פאטער באקומען א רבנות שטעלע אין עלזאס און די משפחה האט אריבערגעצויגן קיין נידערנהיים (ענ'). ער האט חתונה געהאט אין 1765 מיט אסתר בער, שוועסטער פונעם פרנס פון דער יידישער קהילה אין עלזאס, סערף בער. נאך דער חתונה האט ער זיך געצויגן צו וואוינען נאנט צו זיין שוואגער אין בישהיים (ענ'), און ער האט זיך אוועקגעשטעלט לערנען תורה, און פרנסה האט ער געהאט פון די רווחים פון די אינוועסטריונגען אין זיין שוואגער'ס געשעפטן. אין יאר 1786 האט סערף בער געעפנט א ישיבה אין דעם שטעטל, און האט באשטימט הרב זינצהיים ראש ישיבה. די ישיבה האט זיך אנגעפירט ביז דער תקופה פון דער פראנצויזישער רעוואלוציע, ווען די משפחה האט פארלוירן א גרויסן טייל פון זייערע פארמעגן און מען האט צוגעמאכט די ישיבה.
שפעטער אין דער תקופה פון דער הערשאפט פון טעראר האט הרב זינצהיים געדארפט אנטלויפן מיט זיין משפחה אין דער שווייץ. נאכדעם איז ער צוריקגעקומען אין עלזאס און איז געווארן דער ערשטער רב פון דער נייער קהילה אין שטראסבורג, וואו פריער איז געווען אסור פאר אידן צו וואוינען זייט דעם סוף פונעם 14טן יארהונדערט.
ער איז נפטר געווארן ז' כסלו תקע"ג (11טן נאוועמבער 1812), און מען האט אים באגראבן אין דעם פער לאשעז בית החיים אין פאריז.
רעפערענצן
- ↑ יש המקדימים את שנת לידתו ל-1736 או מעט קודם, ראה נתן רפאל אויערבך, תולדות הגאון רבי יוסף דוד זינצהיים, בתחילת: שלל דוד, מכון ירושלים תשס"ד
- ↑ די דאטע פון זיין פטירה וואס שטייט אויף זיין מצבה
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!