פארטל:המכלול נייעס/טבת תשפ"ד
קפיצה לניווט
קפיצה לחיפוש
- פופצן אבן הפינה ארטיקלען דערגרייכט. די ארטיקלען ווערן אויך שיין באצייכנט אויפן הויפטבלאט, לכבוד דעם מיילשטיין.
- אנגעהויבן דעם פראצעדור צו פארבעסערן דעם צושטאנד פון רוי געביט אויף א סיסטעמאטישע פארנעם, דורכאויס וועלכע הונדערטער אומנויטיגע בלעטער זענען געווארן געמעקט און צענדליגער פארבעסערט (א באלאנס וואס וועט זיך בעז"ה טוישן ווען מיר וועלן אנקומען צו די מער נוצליכע בלעטער).
- דערביי זענען אויך אויטאמאטיש געשאפן געווארן פארשידענע קאטעגאריעס וועלכע האלטן חשבון איבער ריעותות אין בלעטער, וועלכע וועלן ארויסהעלפן מיט די ארבעט אין די ווייטערדיגע רייניגונג און פארבעסערונג.
- צו די זעלבע צייט, האט מען אויך אנגעהויבן אריבערברענגען פאסיגע ארטיקלען פון דער יידישע פאלקס-ענציקלאפעדיע, וואס וועט אויך העלפן צו בארייכערן דעם געביט און עס געבן א שענערע צורה. די ארטיקלען זענען נישט נאר אויף א העכערע ניווא - דורכשניטליך - ווי די וויקיפעדיע ארטיקלען (און ווערן שוין גלייך אויסגעבעסערט ביים ברענגען), נאר זיי זענען אויך אפן צו פארברייטערן און זאפארט אריבערפירן צום הויפט געביט ווען גרייט.
- אינטענסיווע ארבעט אויף די הויפטבלאט מוסטערן ודומיהם, מיט א דגש צו פארענדיגן די ארבעט וואס פריער. דורכאויס דעם חודש האט זיך דער געבוי גערוקט מיט צענדליגער פראצענטן, און עס איז שוין בעז"ה איבער צוויי-דריטל פארטיג.
- דער זייטל איז געווארן היבש אפטימיזירט הונטער די קוליסן, עפעס וואס זעט זיך בפרט אן ביים לאודן שווערע בלעטער מיט פילע בילדער וכדומה.
- דער זייטל איז שוין אויטאמאטיש אנגעשטעלט אויף אידיש פאר אנאנימע, פרישע באזוכער און נייע באניצער.
- באהאנדלונג פון רוי-לינקס איז געווארן היבש פארבעסערט. צווישן אנדערע: זיי צייגן זיך שוין ריכטיג אויך אין לינקס וועלכע נוצן א בילד (ווי די "פאריגע" און "קומענדיגע" לינקס אין פארשידענע נאוויגאציע מוסטערן); און לינקס וועלכע קומען אן צו דעם בלאט זעלבסט צייגן זיך אין בּאָלד, פונקט ווי געהעריגע (בלוי) לינקס טוען אין דעם פאל.
- פארבעסערט דעם נאמען און די טיטלען פון בלעטער אין המכלול, וואס (צווישן אנדערע) וועט בעז"ה פארבעסערן די רעזולטאטן אויף גוגל - כאטש עס קען נעמען אפאר וואכן אז די טוישונגען זאלן גענצליך אריין אין קראפט.
- און נאך פארשידענע קלענערע און גרעסערע פארבעסערונגען, שאי אפשר לפורטם כי רבים הם.