רבי משה קאהן

פאראמעטער פעלערן אין מוסטער:אישיות רבנית
פאראמעטער [ פאטער, באשרייבונג ] ערשיינען נישט אין מוסטער דעפיניציע

ראש ישיבת תולדות אהרן
רבי משה הכהן קאהן

ספרים	שער הבטחון, דריי חלקים

רבי משה הכהן קאהן (געבוירן כ"ט אדר תשי"ד) איז דער ראש ישיבה פון תולדות אהרן.

ביאגראפיע

רבי משה איז געבוירן אין ירושלים צו זיין פאטער רבי אברהם יצחק קאהן דער רבי פון תולדות אהרן, און יענטא די איינציגסטע טאכטער פון רבי אהרן ראטה דער מייסד פון חסידות שומרי אמונים. דער סנדק ביים ברית איז געווען רבי משה יהושע האגער וויזשניצער רבי ער הייסט נאך זיין עלטער זיידע רבי משה דייטש פון סיגעט.

ער האט געלערנט אין ישיבת תולדות אהרן. ער האט חתונה געהאט מיט חיה די טאכטער פון רבי יחיאל לייפער דער טעמעשוואר'ער רבי פון ירושלים.

נאך זיין טאטנ'ס פטירה חנוכה ה'תשנ"ז ווען די חסידות האט זיך צוטיילט צווישן זיינע ברידער הרב דוד קאהן און הרב שמואל יעקב קאהן האט ער זיך נישט געמישט אין די מחלוקת, אבער ער איז געבליבן אין קהילת תולדות אהרן, דעמאלטס איז ער געווארן אויפגענומען דורך זיין ברודער דער רבי צו דינען אלס ראש ישיבה פון ישיבת תולדות אהרן.

הרב משה איז אויך א חבר אין די הנהלה פון מוסדות דיסקין^{[מקור פארלאנגט]}.

פון זיינע קינדער

רבי משה האט 15 קינדער, צווישן זיי:

• מרדכי, געהייראט מיט חיה אסתר רחל טאכטער פון רבי ישראל ניסן ראזנבוים, דער קרעטשניפ'ער רבי אין קרית גת.
• שרה ליבא, געהייראט מיט איר קאזין הרב מנחם נחום קאהן, א זון פון תולדות אהרן רבי'ן, דער רב פון תולדות אהרן אין געגנט גבעת ירושלים אין בית שמש.
• יוסף, איידעם פון הרב חיים ראבינאוויטש דער רבי פון משכנות הרועים.
• יואל, געהייראט מיט רחל עטיל, טאכטער פון הרב מאיר רוזנבוים דער פרעמישלאנער רבי.
• הרב יהושע, איידעם פון הרב יחיאל מאיר רוזנבוים דער ראחוב'ער רבי, מגיד שיעור אין ישיבת תולדות אהרן.
• רייזל, געהייראט מיט צבי שלום שנעעבאלג, אייניקל פון זידיטשוב'ער רבי פון בארא פארק און נאדווערנע'ר רבי פון חיפה.
• זיין איידעם חיים מיכאל ווייסמאנדל זון פון נייטרער רב.
• זיין איידעם איתמר לייפער זון פון טעמעשוואר'ער רבי אין אלעד.