אונטערשייד צווישן ווערסיעס פון "רוי:רבי מאיר דן פלאצקי"

ער איז געבוירן געווארן אין יאר [[ה'תרכ"ו|תרכ"ו]] ([[1866]]) צו ר׳ חיים יצחק בער פלאצקער, א חסיד פון רבי [[חנוך העניך הכהן לעווין|העניך פון אלעקסאנדער]] און דעם [[יהודה אריה לייב אלטער|שפת אמת]] פון גער, און זיין ווייב געלא. שוין אין זיינע יונגע יארן האט מען דערקענט זיינע פעאיקייטן און התמדה. ווען ער איז געווען 9 יאר אלט האט מען אים געשיקט צום בית מדרש פון רבי [[חיים אלעזר וואקס]] אין [[קאליש]]. צוויי יאר נאכהער האט רבי חיים אלעזר אים געשיקט צו לערנען ביי זיין שווער, רבי [[ישראל יהושע טרונק]], דער [[קוטנא|קוטנער]] רב. ער האט געלערנט ביי אים צוויי יאר, און דערנאך איז ער אריבער לערנען אין [[סאכאטשאוו]]  ביים [[סאכאטשאוו (הויף)|סאכאטשווער]] רבי׳ן רבי אברהם בארנשטיין. אויף דעם רבי׳ן זיינע האט ער געזאגט: "האיר עיני בדרך לימוד בתורה הקדושה והתחלתי לטעום אצלו נועם מתיקות תורתנו הקדושה".{{הערה|אריינפיר צום ספר "חמדת ישראל"}} אין [[ה'תרמ"ב|תרמ"ב]] ([[1882]]) האט ער חתונה געהאט אין [[דווארט]]. זיין שווער האט אים געקויפט א גרויסע ביבליאטעק און ער איז געבליבן דארט צען יאר אויף [[קעסט]]. ער איז געווען א חסיד פון די  מחסידי [[גער (הויף)|גערער רבי׳ס]]: דער שפת אמת און זיין זון דער [[אברהם מרדכי אלטער|אמרי אמת]].