אונטערשייד צווישן ווערסיעס פון "רוי:יששכר בער פרענק"

. ווען זיין טאָכטער הינדל איז געקומען צו די יאָרן, האָט דער חתם סופר אים פאָרגעלייגט זיין מצוין'דיגסטן תלמיד, ר' מנחם כ"ץ פרוסטיץ, אַלס אַ שידוך. כאָטש ר' בער איז נישט געווען פאַרמעגליך, האָט ער זיך אונטערגענומען אויסצוהאַלטן דעם איידעם אויף "[[קעסט]]" עטליכע יאר. היות ער איז געווען אן ארעמאן, האט ער בחשאי אפגעמאלן דעם חתם סופר און געלאזט דרוקן דעם בילד אין ווין כדי עס צו פארקויפן פאר פרנסה. ווען דער חתם סופר איז געוואר געווארן, האט ער אים מוכיח געווען: "איר ווילט אייך אייער פנים ניכט צו וואשען געבען (בעטלען), גיבט איר מיין פנים צו וואשען?"{{הערה|רבי שלמה סופר, [https://hebrewbooks.org/pdfpager.aspx?req=44152&st=&pgnum=46 איגרות הסופר], עמ' 27}}.

ר' בער האָט זוכה געווען צו איידעמער גדולי ישראל, תלמידי החתם סופר:

[[רבי מנחם כ"ץ פרוסטיץ]] (תקנ"ה–תרנ"א), דער שפעטערדיגער צעהלימער רב, פון די גרעסטע תלמידים פונעם חתם סופר איז געווען ר' בער'ס איידעם צוויי מאל; ערשט מיט דער טאכטער הינדל, און נאך איר פטירה מיט איר שוועסטער ברכה. זיין אנדערער איידעם איז געווען הגאון ר' אשר וואַכטערליץ, אב"ד שוטלסדארף.

ר' בער'ס זין זענען געווען ר' גרשון זעליגמאַן פרענק פון פרעשבורג און הבחור מאיר{{הערה|שטיינער, עמ' קט–קיא}}.

ר' בער פרענק איז נפטר געווארן ביום ב' דשבועות שנת תר"ה, אין עלטער פון 68 יאר. ער איז באערדיגט געווארן אין פרעשבורג, און זיין מצבה לויבט אים אויס אלס אן איד וואס האט "עבודת קודש שנים רבות שמר באמונה, רק ללמד לבני עמו להפיץ תבונה"{{הערה|שטיינער, עמ' קיב}}.