אונטערשייד צווישן ווערסיעס פון "רוי:פיוט"

די פיוטים וואס געהערן צו די ברכות בעפאר און נאך [[קריאת שמע]] ביי [[שחרית]] זענען די '''[[יוצרות]]''', אויך דער טערמין האט מען שפעטער גענוצט צו באצייכענען אין אלגעמיין פיוטים ביים דאווענען. דער יוצר סעריע האט פארמאגט אונטער זיך א סיסטעם פון פיוטים, באשטימט לויט די ברכה אין וואו זי האט זיך געפינען. דאס האט אריינגערעכנט : '''יוצר''' - געזאגט אנהייב פון די ברכה יוצר אור; '''אופן''' - צווישן די פסוקים "קדוש" און "ברוך כבוד" [ביי די נוסח פון "והאופנים וחיות הקודש"]; '''מאורה''' - געזאגט בעפאר'ן אויסלאז פון די ברכה "יוצר המאורות"; און '''אהבה''' - געזאגט בעפאר'ן אויסלאז "הבוחר בעמו ישראל באהבה", איידער קריאת שמע. און דערנאך '''זולת''' - געזאגט נאך די ווערטער אֵין אֱ-לֹהִים זוּלָתֶךָ; און '''גאולה''' - איידער'ן אויסלאז פון די ברכה "גאל ישראל".

אין צוגאב צום אלגעמיינעם סעריע, זענען געוואן פארברייטערטע פיוטים אינערהאלב די קרובות, זיי האבן פארמאכט אייגענע נעמען לויט זייערע געלעגנהייטן. דאס רעכנט אריין '''תּקיעתא''', וואס באצירט די פסוקים פון מלכויות, זכרונות און שופרות, ביי די מוסף־שמונה עשרה אום [[ראש השנה]]; דער '''סדר העבודה''' (וואס שילדערט די קרבנות יום הכפורים אין דער צייט וואס דער בית המקדש איז געשטאנען), אין דער חזרת הש"ץ פון מוסף [[יום כיפור|יום הכפורים]]; אדער די '''אזהרות''' פון שבועות, וואָס רעכענען אויס די ליסטע פון [[תרי"ג מצוות|613 מצוות]] אין דער תורה. די וואכנדיגע קרובות פאסט-טעג האבן אריינגרעכענט '''[[סליחות]]''' - פיוטים צו זאגן אינערהאלב דעם זעקסטן ברכה פון "סלח לנו", בעת אום [[תשעה באב]] זענען פארפאסט געווארן די '''[[קינות]]''' - אלס המשך צום קרובה וואס האט אריבערגעשפרייזט די ברכות פון שמונה עשרה און האט אויסגעפירט מיט א לענגערע סעריע פון פיוטים ביים ברכה פון "בונה ירושלים".  די סליחות און קינות זענען אין שפּעטערדיגע תקופות געווארן גערוקט געווארן צו זאגן נאכן ענדיגן די חזרת הש"ץ.  

'''סליחות''' זענען אויך פארפאסט געווארן פאר חודש [[אלול]] און [[עשרת ימי תשובה]]. די '''[[הושענות]]''' זענען ספעציעלע פיוטים פאר [[סוכות]] צו זאגן ביים ארומגיין דעם בימה מיטן די ארבעה מינים.  

אין די פריע תקופת הפיוט זענען די פיוטים בעיקר געווען געאייגנט בלויז פאר די מחויב'דיגע תפילות, ווי אויך א קליינע צאל פיוטים פאר [[ברכת המזון]], בעיקר פאר ספעציעלע צערעמאניעס, אזוי אויך זענען אין דער תקופה פארפאסט געווארן '''אשכבה''' פיוטים (אדער צידוק הדין) פאר א [[לוויה]]. דער אריינפיר פיוט וואס דער חזן זאגט איידערן אנהויבן דעם דאווענען ווערט אנגערופן א '''רשות''', אין דעם איז אויך אריינגערעכנט דעם רשות לחתן תורה, פון די עליה פון [[שמחת תורה]]. שפעטערדיגע פייטנים האבן אויך צוגעלייגט פיוטים פאר [[זמירות]] ביי די סעודות פון שבת און יום טוב, און פאר נאך אנדערע געלעגהייטן.